«ورالماندار جونىندە وتكەن جىلى جاڭا زاڭ قابىلداعان بولاتىن. سول زاڭعا سايكەس ەگەر دە قازاقستاندا ورالمانداردى قابىلدايتىن ايماقتار بەكىتىلىپ، سول وڭىرلەرگە ازاماتتار بارعان كەزدە ولارعا ورالمان مارتەبەسى بەرىلگەن. ال، ەگەر ولار باسقا ايماقتارعا باراتىن بولسا، «ورالمان» مارتەبەسى الىنىپ تاستالعان بولاتىن. بۇگىن ۇكىمەتتە ءبىز بۇل ماسەلەنى قايتا قاراپ، ءقازىر ءبىزدىڭ قانداستارىمىز رەسپۋبليكانىڭ قايسى وبلىسىنا باراتىن بولسا دا، سول جەردە ولارعا ورالمان مارتەبەسى بەرىلەتىن بولدى»،- دەدى ت.دۇيسەنوۆا «ەكىنشىدەن، جاڭا زاڭىمىزدا كورسەتىلگەندەي، بەلگىلى بiر وڭىردەن باسقا وڭىرگە كوشسە، وندا ورالماندار شەتەل ازاماتتارى سياقتى وزدەرىنىڭ تولەۋ قابىلەتتىلىگىن دالەلدەپ، سودان كەيiن ۋاقىتشا تۇرۋعا مۇمكىندىك الاتىن ەدى. ءقازىر ماقۇلدانعان شەشىمگە بايلانىستى ازاماتتار، ەتنيكالىق قازاقتار، ءوزىنىڭ تولەۋ قابىلەتتىلىگى جونىندە ەش دالەلدەمە تالاپ ەتىلمەيدى، ەلىمىزدىڭ ازاماتتىعىن الۋ ءۇشىن ۇلكەن توسقاۋىلدار بولمايدى. ەگەر الدىڭعى زاڭىمىزدا شەتەلدەن كەلگەن قانداستارىمىز ورالمان ماتەبەسىن الىپ، 7 جىلدان كەيىن عانا مەملەكەتتىڭ ازاماتتىعىن يە بولسا، ءقازىر قايتىپ كەلگەننەن كەيىن 1 جىلدىڭ ىشىندە ازامات ورالمان مارتەبەسىن الادى، سودان كەيىن 1 جىلدان سوڭ مەملەكەت ازاماتتىعىن الا الادى»، - دەپ تولىقتىردى ول. سونىمەن قاتار، مينيستر شەتەلدەن ورالعان ازاماتتاردىڭ بەيىمدەلۋى مەن ىقپالداسۋى ۇدەرىسىن جەدەلدەتۋ، جۇمىسپەن قامتۋ ماسەلەلەرى شەشۋ ماقساتتارىندا ورالمانداردى ەڭبەك رەسۋرستارى جەتكىلىكسىز بولىپ وتىرعان وڭىرلەرگە تارتۋعا ارەكەت جاساۋ كوزدەلۋدە دەپ مالىمدەدى. «قايسى ايماققا بارام دەسە دە، ول - قانداستارىمىزدىڭ ءوز ەركى. بiز انىقتاعان ەڭبەك رەسۋرستارى جەتىسپەيتىن وڭىرلەرگە باراتىن بولسا، وندا ول ازاماتتارعا قوسىمشا الەۋمەتتىك پاكەت بەرىلەتiن بولادى»، - دەپ ول. دينا قۇلماعانبەتوۆا BNews.kz