الماتىدا 26 ءساۋىر كۇنى قازاقستان حالقىنىڭ بىرلىگى كۇنى قۇرمەتىنە ۆەلوشەرۋ وتەدى.

ۆەلوسيپەد جارىسى ءال-فارابي داڭعىلى مەن تاتتىمبەت كوشەسىنىڭ قيىلىسىنان ساعات 08.30-دا باستالادى. جارىسقا قاتىسۋشىلار جارتى ساعات بۇرىن كەلىپ جينالۋى ءتيىس. قازاقستان حالقىنىڭ بىرلىگى كۇنىنە ارنالعان ۆەلوشەرۋ ق ر تۇڭعىش پرەزيدەنتى اتىنداعى ساياباقتا مارەگە جەتەدى. جەڭىمپازدارعا ەستەلىك سىيلىقتار تابىس ەتىلەدى. جارىستى ۇيىمداستىرۋشىلار - الماتى اكىمدىگى مەن "الماتى ۋنيۆەرسياداسى - 2017" اتقارۋ ديرەكسياسى" مەملەكەتتىك قورى. ۆەلوشەرۋگە ادەتتەگىدەي قالا اكىمى احمەتجان ەسىموۆ تە قاتىسادى.

1 مامىر - قازاقستان حالقىنىڭ بىرلىگى كۇنى 1996 جىلدان بەرى تويلانادى. ق ر پرەزيدەنتى نۇرسۇلتان نازاربايەۆ بۇل كۇندى مەرەكەلەۋ تۋرالى جارلىققا 1995 جىلدىڭ 18 قازانىندا قول قويعان. ايتا كەتەيىك، بيىل بۇل مەيرامدا قازاقستاندىقتار مامىردىڭ 1-ىنەن 3-ىنە دەيىن دەمالادى. ودان كەيىن وتان قورعاۋشى كۇنى مەن جەڭىس كۇنى قۇرمەتىنە وتانداستارىمىز تاعى ءتورت كۇن دەمالاتىن بولادى. tengrinews.kz