ق.جاقىپوۆ ماروككو وكىلدەرىمەن جۇزدەستى

    Bilal Quanysh
    ق.جاقىپوۆ ماروككو وكىلدەرىمەن جۇزدەستى

    ق. جاقىپوۆ ماروككو كورولدىگى پارلامەنتى كەڭەسشىلەر پالاتاسىنىڭ سپيكەرىمەن پارلامەنتارالىق ىنتىماقتاستىق ماسەلەلەرىن تالقىلادى    

          ءماجىلىس ءتوراعاسى قابيبوللا جاقىپوۆ ماروككو كورولدىگى پارلامەنتى كەڭەسشىلەر پالاتاسىنىڭ سپيكەرى  مۋحامماد اش-شەيح بياديللامەن كەزدەستى.

                    قابيبوللا جاقىپوۆتىڭ اتاپ وتكەنىندەي، ماروككو قازاقستاننىڭ سولتۇستىك افريكاداعى ماڭىزدى ارىپتەستەرىنىڭ ءبىرى.

    - سوندىقتان ءبىز يسلام ىنتىماقتاستىق ۇيىمى، ەكونوميكالىق ىنتىماقتاستىق ۇيىمى سياقتى باسقا دا كەڭەستىك-جينالىستىق تەتىكتەر مەن ايماقتىق ينستيتۋتتار اياسىندا بىرلەسكەن كۇشىمىزدى ودان ءارى ۇيلەستىرۋدى تولىقتاي قولدايمىز،-دەدى ءماجىلىس ءتوراعاسى.

                    وسى رەتتە قابيبوللا جاقىپوۆ قازاقستان پرەزيدەنتى نۇرسۇلتان نازاربايەۆ ساياساتىنىڭ باسىم باعىتتارىنىڭ ءبىرى – ۇلتارالىق كەلىسىم، بەيبىتشىلىك جانە تولەرانتتىلىق ۇستانىمدارىنىڭ ماڭىزدىلىعى مەن وزەكتىلىگىنە باسا نازار اۋداردى.

                    ءوز كەزەگىندە  مۋحامماد اش-شەيح بياديللا ماروككو نۇرسۇلتان نازاربايەۆتىڭ باسشىلىعىنىڭ ارقاسىندا قول جەتكىزگەن قازاقستان تابىستارىن جاقسى بىلەتىنىن جانە جوعارى باعالايتىنىن تىلگە تيەك ەتتى. جانە ەلباسىنىڭ «قازاقستان - 2050» ستراتەگياسى ايرىقشا قىزىعۋشىلىق تۋدىراتىنىن اتاپ ءوتتى.

    تاراپتار سونداي-اق، استانادا وتەتىن «ەكسپو-2017» كورمەسىنە دايىندىق ماسەلەلەرىنە دە كوڭىل ءبولدى.

    ءماجىلىس سپيكەرى كورمەنىڭ «بولاشاق ەنەرگياسى» دەپ اتالاتىن اتاۋىنىڭ ءوزى ەنەرگيا جەتىسپۋشىلىگى مەن ەكولوگيالىق ءقاۋىپتىڭ عالامدىق ماسەلەلەرىن شەشۋگە ىقپال ەتسە، «ەكسپو - 2017» ەنەرگەتيكا سالاسىنداعى جاڭا جەتىستىكتەردى پاش ەتۋدىڭ زور مۇمكىندىگىنە اينالاتىنىن سەنىممەن ايتا كەلىپ:

    - بۇل كورمەگە ماروككوندىق ارىپتەستەرىمىزدىڭ دە بەلسەنە قاتىساتىنى ءسوزسىز. ءبىزدى ماروككو پارلامەنتىنىڭ «جاسىل ەكونوميكا» قاعيداتىنا كوشۋدى زاڭنامالىق قامتاماسىز ەتۋ جولىندا اتقارىپ جاتقان جۇمىستارى قىزىقتىرادى، -دەدى.

    قابيبوللا جاقىپوۆ پەن مۋحامماد اش-شەيح بياديللا پارلامەنتارالىق ىقپالداستىق جاعدايىن ءسوز ەتە كەلىپ، بەيىندى كوميتەتتەر مەن ىنتىماقتاستىق جونىندەگى توپتار اراسىنداعى تۇراقتى ءىس-قيمىل ەكىجاقتى قارىم-قاتىناستى ودان ءارى نىعايتۋعا ىقپال ەتەتىندىگىن جەتكىزدى.

    parlam.kz

    قاتىستى ماقالالار