قازنەت تاريحىنداعى ەڭ ءىرى كەلىسىم جاسالدى

«بەرينگ ۆوستوك»  جەتەكشى ينۆەستيسيالىق قورى «كولوسا» كومپانياسىنا $15 ميلليون ينۆەستيسيا سالادى.

بۇگىن «كولوسا» ج ش س «بەرينگ ۆوستوك»  قورىنىڭ  $15 ميلليون كولەمىندە ينۆەستيسيا سالعانى جانە www.market.kz  جاڭا جوباسىنىڭ ىسكە قوسىلعانى تۋرالى حابارلادى.

– بۇل قازاقستاندىق ينتەرنەت تاريحىنداعى ەڭ ۇلكەن كەلىسىم، - دەيدى «كولوسا» ج ش س باقىلاۋشىلار كەڭەسىنىڭ ءتوراعاسى ميحايل لومتادزە. -«بەرينگ ۆوستوك» قورلارىندا ياندەكس، وزون جانە اۆيتو سياقتى تانىمال ينتەرنەت كومپانيالارعا ينۆەستيسيا سالۋدىڭ اسا تابىستى تاجىريبەسى بار. «بەرينگ ۆوستوك» سىندى حالىقارالىق ينۆەستوردىڭ كەلۋىمەن ءبىزدىڭ كومپانيا ءۇشىن دامۋ مەن نارىقتىق پوزيسياسىن كەڭەيتۋگە ۇلكەن مۇمكىندىكتەر اشىلادى.

ەسكە سالا كەتەيىك،«كولوسا» ج ش س قازاقستانداعى اۆتوكولىك پەن جىلجىمايتىن مۇلىكتى ساتۋ-ساتىپ الۋ تۋرالى جەكە جارنامالاردى ورنالاستىرۋ مەن جاريالاۋ بويىنشا كوشباسشى. بۇعان دەيىن كومپانيا يەلەگىندە www.kolesa.kz، www.krisha.kz  سايتتارى بولعان ەدى. «كولوسا»ج ش س ديرەكتورى نيكولاي بابەشكيننىڭ ايتۋىنشا،  جاڭا قوسىلعان www.market.kz   سايتى قازاقستاندىقتارعا كەز-كەلگەن تاۋاردى ساتۋعا، ساتىپ الۋعا مۇمكىندىك بەرەدى. «بىزگە سالىنعان ينۆەستيسيانى سايتتى دامىتۋعا جۇمساماقپىز. جۋىق ارادا نارىقتى ءبىرىنشى بولۋ باستى ماقساتىمىز» دەپ اتاپ ءوقتتى ول بۇگىنگى باسپا ءسوز ءماسليحاتىندا.

www.kolesa.kz جانە www.krisha.kz سايتتارى 2006 جىلدىڭ كوكتەمىندە ىسكە قوسىلعان. قازىرگى كەزدە www.kolesa.kz قازاقستاندا اۆتوكولىك ساۋداسى تۋرالى حابارلاندىرۋلاردىڭ №1 سايتى، ال www.krisha.kz جىلجىمايتىن مۇلىك بويىنشا قازاقستاندا №1. وتكەن جىلدىڭ باسىندا كومپانيانى ميحايل لومتادزە مەن ۆياچەسلاۆ كيم ساتىپ العان ەدى.