بۇگىن 23 ساۋىردە الماتى قالاسى بويىنشا كەدەندىك باقىلاۋ دەپارتامەنتىندە بريفينگ وتكىزدى. دەپارتامەنت  باستىعىنىڭ ورىنباسارى يگور تەن، كونترابانداعا قارسى كۇرەس باسقارماسىنىڭ، پوستكەدەندىك باقىلاۋ باسقارماسىنىڭ، قۇقىقتىق قامتاماسىز ەتۋ ءبولىمىنىڭ باسشىلارى بۇقارالىق اقپارات قۇرالدارىنىڭ سۇراقتارىنا جاۋاپ بەردى.

      الماتى قالاسى بويىنشا كەدەندىك باقىلاۋ دەپارتامەنتى  الماتى قالالىق ىشكى ىستەر دەپارتامەنتىمەن بىرىگە وتىرىپ،  2014 جىلدىڭ 26 اقپان مەن 10 ناۋرىز جانە ءساۋىر ايىنىڭ 18 مەن 20 ارالىعىندا  «ترانزيت» جەدەل پروفيلاكتيكالىق وپەراسياسىن وتكىزگەن بولاتىن. جۇرگىزىلگەن جۇمىس قورىتىندىسى بويىنشا، قىرعىزستان رەسپۋبليكاسىنىڭ مەملەكەتتىك نومىرلەرى بار 210-نان ارتىق كولىك قۇرالدارى ۇستالدى.

         ۇستالعان كولىك قۇرالدارىنا قاتىستى، قر-نىڭ كەدەندىك شەكاراسىن زاڭدى تۇردە كەسىپ وتكەندىگىن جانە ولاردى جاريالى تۇردە الىپ كەلگەندىگىن انىقتاۋ ءۇشىن، «قورداي» كەدەنىنە سۇراقتار جولداندى.

         الىنعان اقپاراتتاردىڭ قورىتىندىسى بويىنشا، اتالعان كولىك قۇرالدارىن زاڭسىز تاسىمالداعانى ءۇشىن، قازاقستان رەسپۋبليكاسىنىڭ         131 ازاماتىنا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 430-بابىنىڭ 1 جانە 2-بولىمدەرى بويىنشا اكىمشىلىك ىستەر قوزعالدى.

       قوزعالعان 131  ماتەريالدار بويىنشا، ق ر اكىمشىلىك قۇقىق بۇزۋشىلىق تۋرالى كودەكسىنىڭ 430-بابىنىڭ 1 جانە 2-بولىمدەرى بويىنشا قازاقستان رەسپۋبليكاسىنىڭ 113 ازاماتتارىنا قاتىستى اكىمشىلىك ءىس قوزعالىپ، الماتى قالاسى بويىنشا مامانداندىرىلعان اۋدانارالىق اكىمشىلىك سوتىنا جولدانىپ، 51 قاۋلىنى قاراۋ قورىتىندىسى بويىنشا 490 080 تەڭگە كولەمىندە  ايىپپۇلدار سالىندى. 48 كولىك قۇرالدارىنا قاتىستى الدىن الا تەرگەۋگە دەيىنگى تەكسەرىس جۇرگىزىلۋدە، ويتكەنى، ق ر قك-نىڭ 325-بابىندا كورسەتىلگەن جاۋاپكەرشىلىك قاراستىرىلعان قىلمىستىڭ بەلگىلەرى بار.

     سونىمەن قاتار، بريفينگتە شەتەل كولىكتەرىن ۋاقىتشا  اكەلۋ ءتارتىبى ءتۇسىندىرىلدى. بۇل اۆتوكولىكتەر وزگە تۇلعالارعا قولدانۋ نەمەسە يەمدەنۋ قۇقىعى  تەك كەدەندىك دەكلاراسيالاۋ جانە كەدەندىك تولەمدەر مەن سالىقتاردى تولەۋ تالابىن ورىنداعان جاعدايدا عانا بەرىلەدى.

اۆتوكولىكتەردى اكەلۋ كەزىندە كەدەن ورگانى كەدەندىك دەكلاراسيانى تىركەۋ كەزىنەن باستاپ، ونى شىعارۋ نەمەسە ەركىن قولدانۋعا جىبەرۋگە دەيىن، شەتەل ازاماتىندا كەدەندىك تولەمدەر مەن سالىقتاردى تولەۋ مىندەتى تۋىندايدى، جانە اۆتوكولىك كەدەندىك باقىلاۋعا ءتۇسىپ قالادى.

ياعني شەتەل ازاماتتارىمەن اكەلىنگەن  شەتەل اۆتوكولىك قۇرالدارىن وزگە تۇلعالارعا قولدانۋ قۇقىعى - كەدەندىك تولەمدەر مەن سالىقتاردى تولەنگەن سوڭ  جانە كەدەندىك دەكلاراسيا بەرىلگەن جاعدايدا عانا بەرىلەدى.

  ەگەردە ۋاقىتشا اكەلىنگەن اۆتوكولىكتەر وزگە تۇلعالارعا كەدەن ورگاندارىنىڭ رۇقساتىنسىز قولدانۋعا بەرىلگەن جاعدايدا كەدەندىك تولەمدەرمەن سالىقتاردى تولەۋ ۋاقىتىسى قولدانۋعا بەرىلگەن كۇنى بولىپ سانالادى، ەگەر بۇل كۇن بەلگىسىز بولسا جولاۋشى كەدەندىك دەكلاراسياسى كەدەن ورگانىندا تىركەلگەن كۇنى بولىپ سانالادى.

         جەڭىلدىك تارتىبىمەن اكەلىنگەن اۆتوكولىك قۇرالىن وزگە تۇلعامەن جۇرگىزۋ فاكتىسىن انىقتاعان كەزدە، اكىمشىلىك قۇقىق بۇزۋشىلىق بولىپ قاراستىرىلادى، اۆتوكولىك قۇرالىن جۇرگىزگەن تۇلعا اكىمشىلىك جاۋاپكەرشىلىككە تارتىلادى جانە اكىمشىلىك ايىپپۇل تولەيدى.

         سونىمەن قاتار، كەدەندىك تولەمدەر مەن سالىقتاردى تولەۋ مىندەتى جانە تولەۋ مەرزىمى كەلۋىنە بايلانىستى،  قارىزدى وتەگەنشە اۆتوكولىك قۇرالى كەدەندىك باقىلاۋعا الىنىپ، ۋاقىتشا ساقتاۋ قويماسىنا ورنالاستارىلادى.

         شەتەلدىك جەكە تۇلعاعا قاتىستى قالىپتاسقان قارىزدى ءوندىرىپ الۋعا قاتىستى ماتەريالدار، قۇجاتتار  ءتيىستى  كەدەندىك تولەمدەر مەن سالىقتاردى ءوندىرىپ الۋ ءۇشىن اۆتوكولىكتەر  شىعارىلعان، ياعني جولاۋشىلىق كەدەن دەكلاراسياسى رەسىمدەلگەن كەدەن ورگاندارىنا جىبەرىلۋى ءتيىس.كەدەندىك تولەمدەر مەن سالىقتاردى تولەگەن سوڭ اۆتوكولىك قۇرالى كەدەندىك باقىلاۋدان الىنادى جانە ونىڭ يەسىنە قايتارىلادى.

         سونىمەن قاتار، كەدەن وداعىنىڭ مۇشە-مەملەكەتتەرىنىڭ جەكە تۇلعالارى كەدەندىك تولەمدەر مەن سالىقتاردى ءوز قالاۋىمەن تولەي الادى جانە وسى كولىك قۇرالدارعا قوجايىندىق ەتۋ قۇقىقىعىن راستايتىن قۇجاتتاردى ۇسىنعان جاعدايدا، كولىكتەرىن الۋعا بولادى.

الماتى قالاسى بويىنشا كبد

باسپا ءسوز قىزمەتى

"قامشى"  سىلتەيدى