ەلىمىز تاۋەلسىزدىگىن الىپ، ۇلتتىعىن ۇلىقتاپ، جوعىن  تۇگەندەپ، جوعالتقانىن قايتا تابا  باستاعان جىلدارى وسى ەلدىك ماقساتتاردى جۇزەگە اسىراتىن ۇلتتىق  باسىلىمدار  دا  جارىق  كورە  باستادى.  ونىڭ ءبىرى، ءارى بىرەگەيى،  حالىقتىق مۇددە مەن  ەلدىك مۇراتتى تۋ ەتىپ ۇستاعان اپتالىق "تۇركىستان"  گازەتى ەدى.  1994 جىلدىڭ 28 قاڭتارىندا  4 بەت قانا  بولىپ  شىققان "تۇركىستان" گازەتى قازىرگى  تاڭدا قازاق  اقپارات ايدىنان  ويىپ ورىن الار  پارمەندى  باسىلىمعا اينالدى.

  باسىلىمنىڭ العاشقى بەلەستەرى  تۋرالى بەلگىلى جۋرناليست كولباي ادىربەك ۇلى بىلايشا ەسكە الادى:  «زامان-قازاقستان» گازەتى بەرگەن ۋادەلەرىن ورىنداماعاننان كەيىن، جازۋشى، دراماتۋرگ قالتاي مۇحامەدجانوۆ ونىڭ ورنىنا «تۇركىستان» گازەتىن اشتى. بۇل حالىقارالىق گازەت بولدى. قالتاي مۇحامەدجانوۆ ەڭ قيىن كەزەڭدەردە، تاۋەلسىزدىكتىڭ العاشقى جىلدارىندا، قارجىنىڭ تاپشى كەزىندە گازەتتى شىعارىپ وتىردى. سول كەزدەگى گازەت قىزمەتكەرلەرى دە ايلاپ جالاقى الماسا دا، گازەتتى شىعاردى. بۇل ءتىل ءۇشىن كۇرەس بولدى. تاۋەلسىز ەلدىڭ مۇددەسى ءۇشىن كۇرەس بولدى. وسىنىڭ ءبارىنىڭ باسشىلىعىندا قالەكەڭ تۇردى. «تۇركىستان» گازەتى ءقازىر ىرگەلى گازەتتىڭ بىرىنە اينالدى. ءوز وقىرماندارىن تاپتى. بۇندا قوعامدىق ءومىردىڭ بارلىق سالاسى قامتىلادى: ەكونوميكا، تاريح، ساياسات، ءدىن، ونەر.  ءدىن، تاريح، ماسەلەسىندەگى ول كىسىنىڭ پۋبليسيستيكالىق شىعارمالارى وقىرماندار كوكەيىنەن شىعىپ وتىردى. اسىرەسە، وتكەن عاسىردىڭ 90-شى جىلدارىنىڭ سوڭىندا ەلىمىزدە وتە تولعاقتى ماسەلەلەردىڭ بىرىنە ارنالعان كوشى-قون پروبلەماسىنا ارناپ، ارنايى «قونىس» قوسىمشاسىن جۇرگىزۋدى قولعا الدى. قوسىمشانىڭ رەداكتورى ايتان ءنۇسىپحان قازاقستاننىڭ كوشى-قون سالاسىنداعى ىرگەلى ساياساتىنىڭ قالىپتاسۋى جايىندا كوپ پروبلەمالاردى ءسوز ەتتى،- دەيدى (http://www.turkystan.kz/kz/articles/view/40983)

راسىندا، "تۇركىستان" گازەتى نەگىزى  قالانعان العاشقى  جىلداردان  باستاپ، كۇنى بۇگىنگە مەملەكەتتىڭ قالىپتاسۋى مەن  قازاق رۋحانياتىنىڭ جاندانۋىنا ەڭبەك ەتىپ كەلەدى. گازەت بەتىندە قانشاما شەتەندى،  كۇرمەۋى قيىن پروبلەمالار جازىلدى، ەلدىڭ تىزگىنىن ۇستاعان ازاماتتارمەن بىرگە قوعامدىق ماسەلەلەر تالقىلاندى. حالقىمىزدىڭ داڭقتى پەرزەنتتەرى "تۇركىستان" ارقىلى قازاق  قوعامىنا جاڭا قىرىنان تانىلدى.  "تۇركىستان" گازەتى مۇستافا  شوقايدىڭ "تۇركىستان" يدەياسىنىڭ اتىن وشىرمەي، بۇگىنگە دەيىن جەتكىزدى. تۇركى جۇرتىنىڭ قارا شاڭىراعى - قازاقستاننىڭ باستى باسىلىمدارىنىڭ بىرىنە اينالدى.

   بيىل "تۇركىستاننىڭ" جارىق كورە باستاعانىنا 20 جىل  تولىپ وتىر.  باسىلىمدى مەرەيتويىمەن "قامشى" پورتالى رەداكسياسى اتىنان قۇتتىقتاي  وتىرىپ، "تۇركىستان" ۇجىمىنا تەك  شىعارماشىلىق  شابىت،  تەلەگەي تابىس، ەرەن ەڭبەكتەرىڭىز  جەمىستى بولسىن دەپ تىلەيمىز!