"ۇلكەن جەتىلىك" ەلدەرى (G7)رەسەيگە قاتىستى جاڭا سانكسيالاردى جەدەلدەتىپ ەنگىزۋ بويىنشا كەلىستى، دەپ حابارلايدى ريا نوۆوستي.

G7 قۇرامىنا كىرەتىن اقش، گەرمانيا، جاپونيا، ۇلىبريتانيا، فرانسيا، يتاليا مەن كانادا ەلىنىڭ كوشباسشىلارى "كەلەر ايدا ۋكراينادا وتكەلى وتىرعان سايلاۋدى بەيبىت جاعدايدا وتكىزۋ ماقساتىندا" رەسەيگە قاتىستى سانكسيالاردى كۇشەيتۋگە ۋاعدالاستى. كەلىسىمگە سايكەس بۇل جولى دا رەسەيگە ەكونوميكاسىنا تىكەلەي قاتىسى بار ءبىرقاتار سالالارعا ناقتى شەكتەۋلەر قويۋعا باعىتتالعان.

ب ا ق تاراتقان مالىمەتتەرگە قاراعاندا، اق ءۇي وكىلىنىڭ ءبىرى جاڭا قارجىلىق شەكتەۋلەر الداعى دۇيسەنبى كۇنى كۇشىنە ەنەتىن بولادى. ۆاشينگتون بۇعان دەيىن رەسەيگە قاتىستى قوسىمشا سانكسيالار قويۋعا ءازىر ەكەندىكتەرىن مادىمدەگەن بولاتىن. سول كەزدە ۋكرايناداعى جاعدايدى بەيبىت جاعدايدا شەشۋگە ماسكەۋدىڭ ءالى دە بولسا مۇمكىندىگى بارى ەسكەرتىلگەن ەدى.

ەسكە سالامىز، اقپاننىڭ 22ء-ى كۇنى جوعارعى رادا ۋكراينا پرەزيدەنتى ۆيكتور يانۋكوۆيچتى بيلىكتەن الاستاتىپ، قولدانىستاعى كونستيتۋسيانى وزگەرتە وتىرىپ، سايلاۋدى وتكىزۋ مەرزىمىن مامىردىڭ 25-ىنە بەلگىلەگەن. ال قىرىمدا ءوڭىردىڭ مارتەبەسىن انىقتاۋعا ارنالعان رەفەرەندۋم ناۋرىزدىڭ 16-ىندا وتكەن. ول ۋاقىتتا قىرىمدىقتاردىڭ باسىم كوپشىلىگى رەسەيگە قوسىلۋعا قارسى ەمەس ەكەندىكتەرىن ءبىلدىرىپ، داۋىس بەرگەنى سول-اق ەكەن قىرىمنىڭ جوعارعى كەڭەسى تاۋەلسىزدىگىن جاريالاعان. اقش پەن ەۋروداق رف مەن قىرىمنىڭ قوسىلۋىنا بايلانىستى رەسەيگە قاتىستى جەكەلەگەن سانكسيالار ەنگىزگەن ەدى.

اتاپ ايتقاندا، رەسەيلىك كەيبىر ازاماتتارعا ۆيزا بەرمەۋ، قارجىلاي اكتيۆتەردىڭ الماسۋىنا شەكتەۋ قويىلعان بولاتىن. كرەمل دە قاراپ قالايماي باتىسقا قاتىستى ءوز شەكتەۋلەرىن قويعان. tengrinews.kz