الماتىدا ستۋدەنت مەنينگوكوك ينفەكسياسىنان كەنەتتەن قايتىس بولدى، دەپ حابارلايدى "جەتىنشى ارنا" ءتىلشىسى.
الماتىداعى ەنەرگەتيكا جانە بايلانىس ۋنيۆەرسيتەتىنىڭ 1-كۋرس ستۋدەنتى جاتاقحانا الدىندا قايتىس بولدى. جەدەل جاردەم بەرۋگە كەلگەن دارىگەرلەر جاس جىگىتكە ەشقانداي كومەك بەرە المادى. جوو قىزمەتكەرلەرى الدىندا ول جىگىتتى ۋلانعاننان قايتىس بولۋى مۇمكىن دەگەن بولاتىن. الايدا الماتى قالالىق جۇقپالى اۋرۋلار اۋرۋحاناسىنىڭ باس دارىگەرى لاۋرا تاستامبەكوۆا بۇل نۇسقانى جوققا شىعاردى. "ستۋدەنت مەنينگوكوك جۇقپاسىن جۇقتىرعان دەگەن بولجامعا توقتالىپ وتىرمىز. ويتكەنى، بۇل جۇقپانىڭ ەرەكشەلىگى سول، ول كوپ جاعدايدا ينكۋباسيالىق كەزەڭسىز داميدى. سوندىقتان، ءولىم جاعدايى تەز بولادى. ۋوتتەرحاۋس-فەدەريكس سيندرومى (بۇيرەك جەتىسپەۋشىلىگى) بولعان كەزدە 90 پايىز جاعدايدا ولىمگە اكەپ سوعادى"، - دەيدى تاستامبەكوۆا.
ءقازىر دارىگەرلەر كىم اۋرۋمەن بايلانىس جاساعانىن انىقتاۋ ۇستىندە. سونىمەن بىرگە ولار اۋا-تامشىلى جولمەن جۇعاتىن ءقاۋىپتى ينفەكسيانى جۇقتىرۋشىنى تابۋعا تىرىسۋدا.
tengrinews.kz ەتىلەدى
