28 ساۋىردە قازاقستان پرەزيدەنتى نۇرسۇلتان نازاربايەۆ م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ەۋرازيالىق ينتەگراسيا تاقىرىبىندا ءدارىس وقيدى، - دەپ حابارلايدى Tengrinews.kz ءتىلشىسى ق ر پرەزيدەنتىنىڭ رەسمي سايتىنا سىلتەمە جاساپ.
اقوردانىڭ باسپا ءسوز قىزمەتىنىڭ حابارلاۋىنشا، بۇدان سوڭ ەلباسى 29 ساۋىردە مينسكىدە قازاقستان، رەسەي جانە بەلارۋس پرەزيدەنتتەرىنىڭ قاتىسۋىمەن وتەتىن جوعارى ەۋرازيالىق ەكونوميكالىق كەڭەستىڭ وتىرىسىنا بارادى. كرەملدىڭ باسپا ءسوز قىزمەتى كەڭەس وتىرىسىندا كەدەن وداعى مەن ءبىرىڭعاي ەكونوميكالىق كەڭىستىك شەڭبەرىندەگى ءوزاراىقپالداستىقتىڭ نەگىزگى باعىتتارى تالقىلاناتىنىن حابارلايدى. نازاربايەۆ، پۋتين مەن لۋكاشەنكو وداقتاس ءۇش ەل ۇكىمەتتەرىنىڭ ەۋرازيالىق ەكونوميكالىق وداق تۋرالى شارت جوباسىن ازىرلەۋ جونىندەگى جۇمىستارىن قورىتىندىلاپ، جوبانى مامىر ايىندا استانادا قول قويۋعا دايىندايدى.
ايتا كەتەيىك، ەۋرازيالىق ەكونوميكالىق وداق 2015 جىلدىڭ 1 قاڭتارىندا ءوز جۇمىسىن باستاۋى كەرەك. كەدەن وداعىنا مۇشە ءۇش ەلدىڭ باسشىلارى ەۋرازيالىق ەكونوميكالىق ينتەگراسيا قاتىسۋشىلارىن كەڭەيتۋدى، وعان ارمەنيا مەن قىرعىزستاندى قوسۋ ماسەلەلەرىن قاراستىرادى.
