ورىس "مادەنيەتى" جانە دالا دانىشپاندارىنىڭ ديالەكتيكاسى

وسىندان ونشاقتى جىل بۇرىن پاۆلودار قالاسىنان كەتىپ قالۋعا تۋرا كەلدى...سول جىلدارى ارالاسقان الماتىلىق تانىسىمدى كەشە كەزدەستىرىپ، ءبىر -ەكى كەسە كوفە ءىشىپ وتىرىپ ۇزاق اڭگىمەلەسىپ قالدىق. وسىندا كەلىپ، قۇدا -جەكجاتتار تاپقانىن ايتىپ، ۇلتتىق قۇندىلىقتار جايىندا ويلارىن ورتاعا سالدى. وسىدان ونشاقتى جىل بۇرىن قىزىن وسى پاۆلودارلىق بىرەۋگە تۇرمىسقا بەرىپتى. قۇدا وسى پاۆلوداردا وقىپ - توقىعان ەكەن، ال، قۇداعي سەلينوگراد وبلىسىنداعى ءبىر اۋىلدا "تاربيە" العان ەكەن. قازاقي ادەت - عۇرىپ، داستۇردەن جۇرداي ەكەندىگى قاتتى قيناپتى، دوسىمدى. ءقازىر جيەندەرى بار ەكەن، ءبارى ورىسشا سويلەيدى،- دەيدى. قۇدا مەن قۇداعيعا ورىسشا" تاربيەنىڭ" ءوتىپ كەتكەنى سونشا، قازاقشا سويلەگەنگە ەدىرەيىپ قالادى ەكەن. ەكى قۇداشاسى دا كۇيەۋدەن قايتىپ كەلىپتى، اكە - شەشەلەرىنە تەك - سەن ، - دەپ، سويلەگەنىن كورگەندە قاتتى ءتۇڭىلدىم، - دەيدى. قۇداعيىم سول قىزدارىنىڭ بالالارىن باعىپ وتىر. ءوز نەمەرەسىن كەرەك تە قىلمايدى. - نەمەرەمدى باققانشا "دوم پريستارەلىح" "قاريالار ۇيىنە" پەنسيامدى بەرىپ سوندا بارىپ تۇرامىن، - دەگەندە، شوشىپ قاشىپ كەتتىم، - دەيدى. كەلىن ءتۇسىرىپ ەدىم، قۇدا كەلىپ، قۇداعي كەلمەي قويدى. ورىسشا وقىعان اعا - جەڭگەلەرىم دا تويعا كەلمەي قويدى، مىنە، سابە، ۇلى ورىس حالقىنىڭ مادەنيەتى مەن تاربيەسى - دەگەندە، بەتىمنەن وتىم شىقتى! (سەبەبى، ءوز باسىمدا دا بار وسىنداي جاعداي) - قىزىمنىڭ تاعدىرىنا قاتتى الاڭدايمىن، وسىلاي جالعاسا بەرسە نە بولامىز. مەنىڭ قىزىم دا، كۇيەۋ بالام دا قازاق دەگەن ۇلتتىڭ وكىلدەرى عوي، جيەندەرىم دە وسى ۇلتتىڭ وكىلدەرى بولعاندىقتان، نە ىستەرىمدى بىلمەي باسىم قاتۋلى، - دەدى... - دوستار، دالا دانىشپاندارىنىڭ ءسوزىن قۇلاققا ىلمەي، "ۇلى حالىقتىڭ" ەڭ جاقسى تاربيەسىنىڭ ناتيەجەسى وسىنداي. P.S. تۇرمەسى جوق، پروكۋرورۋ جوق، تەك دالا دانىشپاندارىنىڭ ديالەكتيكاسىمەن ءومىر سۇرگەن قازاق دەگەن ۇلتتا جەتىم - جەسىر، قاريالار ءۇيى، جەزوكشە ، قايىرشى بولىپ پا ەدى؟!!! ءسىزدىڭ ويىڭىز، قازاقتىڭ ويى، - دەپ، بىلەمىن، دوستىم!!!