ءولى تابىلعان يساتاي اۋداندىق ىشكى ىستەر ءبولىمىنىڭ باستىعى التىنبەك قۇبايدۋللين باسشىلىق تارابىنان ەش ۋاقىتتا سوگىس الماعان.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ىشكى ىستەر ءمينيسترى قالمۇحانبەت قاسىموۆ ءمالىم ەتتى.

ب ا ق وكىلىنىڭ ولگەن ازاماتتىڭ باسشىلىق تارابىنان قانداي دا ءبىر سوگىس العان با دەگەن ساۋالىنا مينيستر "جوق" دەگەن جاۋابىن بەردى.

"جوق. ول بۇل قىزمەتكە وتكەن جىلدىڭ مامىرىندا تاعايىندالعان"، - دەدى ول. قارجى پوليسياسى ءقۇبايدۋلليندى ۇستاۋ بويىنشا وپەراسيا جۇرگىزدى. ونى ۇستاپ، تەرگەدى. ودان كەيىن دەنساۋلىعىنىڭ ناشارلاۋىنا بايلانىستى اۋرۋحاناعا جەتكىزگەن. ول جەردە كۇزەتپەن قالدىرعان. الايدا ول اۋرۋحانادان كەتىپ قالعان. كەشە ونىڭ مۇردەسى تابىلدى. قازىرگى ۋاقىتتا سوت-مەديسينالىق ساراپتاما جۇرگىزۋدەمىز"، - دەدى قاسىموۆ.

ەسكە سالا كەتەيىك، وتكەن اپتادا ا.ءقۇبايدۋلليندى قارجى پوليسياسى قولدان جاسالعان قارا ۋىلدىرىق پەن 250 مىڭ تەڭگە تۇرىندە پارا الىپ جاتقان ساتىندە قولعا ءتۇسىردى. تەرگەۋ كەزىندە ونىڭ قان قىسىمى كوتەرىلىپ، اۋرۋحاناعا جەتكىزىلگەن بولاتىن، ول سول جەردەن قاشىپ كەتتى.

ءاىىب باستىعىنا قازاقستاندا اۋلاۋعا موراتوريي جاريالانعان بەكىرە تۇقىمداس بالىقتارمەن اينالىساتىن براكونەرلىككە قولداۋ كورسەتتى دەگەن كۇدىك كەلتىرىلۋدە. چيتات پولنوستيۋ:  http://news.nur.kz/kk/311708.html