وڭتۇستىك كورەيانىڭ پرەزيدەنتى پاك كىن حە 16 ءساۋىر كۇنى اپاتقا ۇشىراپ، سۋعا كەتكەن «سيەۆول» پارومىندا قازا بولعانداردىڭ تۋعان-تۋىستارىنان كەشىرىم سۇرادى.
ەل ۇكىمەتىنىڭ الدىندا ءسوز سويلەگەن پاك كىن حە بيلىكتىڭ اتالعان اپاتتىڭ الدىن الماعانى جانە ءتيىستى شارالاردىڭ دەر كەزىندە جاسالماعانى ءۇشىن كەشىرىم سۇرادى. پرەزيدەنت سونىمەن بىرگە، شەنەۋنىكتەر اراسىندا ءتارتىپتى ارتتىرۋ قاجەتتىگىن مالىمدەپ، وسىنداي قايعىلى وقيعالاردىڭ الدىن الىپ، قاۋىپسىزدىگىن قامتاماسىز ەتەتىن جاڭا مينيسترلىكتى قۇرۋعا ۇسىنىس جاسادى. دۇيسەنبى كۇنى وڭتۇستىك كورەيا پرەمەر-مينيسترى چون ۆون حوننىڭ پاروم جولاۋشىلارىنىڭ قازاسىنا بايلانىستى ۇكىمەتكە قارسى ايتىلعان سىننان كەيىن وتستاۆكاعا كەتكەنى بەلگىلى بولدى. بورتىندا 476 جولاۋشىسى بار پاروم وڭتۇستىك كورەيانىڭ جاعالاۋىندا اينالدىرعان ەكى ساعاتتىڭ ىشىندە اۋدارىلىپ، سۋعا باتىپ كەتكەن. ولاردىڭ ىشىندە نەگىزىنەن وقۋشىلار مەن مۇعالىمدەر بولعان.
قازاقپارات
