«سەنىمەن ءبىر مامىلەگە كەلۋ قيىن ، سەن ەگىزدەرسىڭ با؟». « ول وتە قىرسىق، تورپاق بەلگىسىنىكى شىعار». «ول ماعان ۇنايدى، ءبىراق ءبىز بىرگە بولا المايمىز: ول ارىستان، مەن بالىق». وسىنداي ادامدار قىتىعىڭىزعا تيە ما؟ جۇلدىزنامانى جىندىنىڭ ساندىراعى دەپ ويلايسىز با ، الدە كەي كەزدەرى سەنۋگە بولادى ما؟ كەي عالىمدار جۇلدىزنامانىڭ — وتىرىك ەكەنىن دالەلەدەگەن.
جۇلدىزناما ءسىزدىڭ تۇلعالىق مىنەزىڭىزدىڭ سيپاتىن سۋرەتتەمەيدى
فرانسۋز الەۋمەتتانۋشىسى جانە ستاتيستيك مامان ميشەل گوكلەن، (نەواسترولوگيانىڭ نەگىزىن قالاۋشىلاردىڭ ءبىرى بولىپ سانالادى) قاراپايىم عانا تاجىربيە جاساپ كورگەن. Ici Paris گازەتى ارقىلى ول قالاۋشىلاردان انكەتا تولتىرىپ، تۋعان كۇنى مەن جىلدارىن كورسەتۋدى سۇراعان. 150 ادام انكەتانى تولتىرعان، سوسىن ولاردىڭ ءارقايسىسىنا وزدەرىنىڭ جۇلدىز بەلگىسى دەگەن تولىقتاي مالىمەت بار جۇلدىزناما جىبەرگەن. جۇلدىزنامانىڭ 94% باقىتتى يەلەرى وزدەرىن تۋرا سيپاتتاعان، وتە ءدال جازعان، مۇنى ءتىپتى تۋىستارى مەن تانىستارىنىڭ راستاعانىن دا ايتقان. شىندىعىندا، گوكلەن ولارعا سەريالى قانىشەر، 63 ادامدى ولتىرگەن مارسەل پەتيوتانىڭ جۇلدىزناماسىن جىبەرگەن. جانە ءاربىر ادام ونى ءوزىنىڭ جۇلدىزناماسى دەپ قابىلداعان.
استرولوگ سىزگە جار تاۋىپ بەرمەيدى
استرولوگتار سىزدەرگە ومىرلىك سەرىك تاڭداۋدا كومەكتەسە الامىز دەپ ويلايدى جانە ءتۇرلى كەڭەستەر بەرىپ جاتادى. ميچيگان شتاتى ۋنيۆەرسيتەتىنىڭ پسيحولوگى بەرني سيلۆەرمەن كەزدەيسوق 2978 ەرلى-زايىپتى جۇپتار مەن 478 اجىراسقانداردى تاپقان، ءبىر قىزىعى ولاردان ەشقاندايدا استرولوگيالىق جاقسى دا، جامان دا بايلانىس تاپپاعان. استرولوگتار ءمىنسىز ساي كەلەدى دەگەن استرولوگيالىق جۇپتاردان ءجيى اجىراسۋ بايقالعان.
جۇلدىزدار ەشكىمدى باستىق ەتپەيدى
فيزيك دجون ماك گەرۆي قىزىعۋشىلىقتان 6475 ساياساتكەر مەن 16634 عالىمنىڭ ءومىربايانىن تۋعان كۇندەرىنە قاتتى ءمان بەرە وتىرىپ زەرتتەگەن. وكىنىشتىسى، ەشاندايدا زوديكالدى جانە عالامشارلى ۇقساستىقتى دجون تابا الماعان. ساياساتكەرلەردىڭ اراسىنان قاراپايىم ادامدار اراسىنداعى بيكەشتەرمەن تەڭدەي باسشىلاردى تاپقان. ال، جۇلدىزنامادا بيكەش بەلگىسىن كوشباسشىلىق قابىلەتى تومەن، دەپرەسسيا مەن السىزدىككە جاقىن دەپ سيپاتتايدى.
استرولوگتىڭ دياگنوزى
اۆستراليالىق ەكس-استرولوگ دجەففري دين جانە كانادا پسيحولوگى ايۆان كەرري 45 استرولوگ، 160 ەرىكتى قاتىسقان، ۇلكەن «سوقىر» تەست وتكىزگەن. استرولوگتار ناتالدى كارتا نەگىزىندە سىناققا قاتىسۋشىلار تۋرالى بار اقپاراتتى ايتۋلارى كەرەك بولعان. ولار بولسا ونداعى ادامداردىڭ قانداي تيپكە جاتاتىنىن دا ايتا الماعان.
بولجامدارعا سەنۋدىڭ نەگىزى بار ما؟
استرونوم دجوردج كالۆەر مەن كريستينا يەننا استرولوگتاردىڭ جۇلدىزدارعا ايتقان سوڭعى ون جىلداعى بولجامدارىن باقىلاپ، ولاردى شىنايى ومىرمەن سالىستىرعان. ناتيجەسىندە استرولوگتاردىڭ 10% عانا ايتقاندارى تۋرا كەلگەنى انىقتالدى. سارىجاعال باسىلىمنىڭ تۇراقتى وقىرمانى ول بولجامداردى ايتا الادى دەسەك تە بولادى.
فيزيك-ەكسپەريمەنتاتور شون كارلسون 1985 جىلى ءبىر ەمەس ەكى سوقىر استرولوگيالىق تەست جاساعان. استرولوگتار 116 ادامنىڭ تۋعان كۇنى مەن جىلى بار جۇلدىزناما العان. ءبىر ادامنىڭ مىنەزىنە ءۇش بىردەي سيپاتتان الىپ وتىرعان. بىرەۋى قاتىسۋشى سيپاتىنا كەلسە، قالعان ەكەۋى مۇلدەم باسقا ادامداردى ايتىپ وتىرعان. استرولوگتار سۋرەتتەۋدىڭ قايسىسى جۇلدىزناماعا ساي كەلەتىنىن انىقتاماق بولعان. قورتىندىسى 34% عانا تۋرا شىققان.
ادامدار نەنى كورگىسى كەلەدى، سونى كورەدى
پسيحولوگ بەرترام فورەردىڭ ۇلى سيرك ءاۆاتيۋريستى بارنۋمنىڭ قۇرمەتىنە قويىلعان بارلىق ادامعا كەلە بەرەتىن «امبەباپ» جۇلدىزناما بار. فورەر ونى ستۋدەنتتەرگە تەست رەتىندە بەرگەن ( ءار ستۋدەنت ءوز نۇسقاسىن الادى دەپ سەندىرگەن) جانە ءارقايسىسىنىڭ بۇل تەستتىڭ وزىنە قانشالىقتى ساي كەلەتىنىن باعالاۋى ءۇشىن بەس بالدىق شكالامەن باعالاۋلارىن سۇرايدى. ورتاشا باعا 4،26 بولعان: ءار ستۋدەنت تەستتەن وزدەرىن كورگەن. ءبىراق، ءماتىننىڭ پراكتيكالىق ماڭىزى جوق جانە وزىنە –ءوزى كەرەعار، كەيبىرەۋگە وتە تەرەڭ بولىپ كورىنەدى. جۇلدىزشىلار مەن بالگەرلەر ونى ۇنەمى قولدانادى. ءمىنى، ول بىلاي:
«ءسىز ءوزىڭىزدى باسقالاردىڭ جاقسى كورگەنىنە مۇقتاجسىز. وزىڭىزگە سىني كوزبەن قاراي بىلەسىز. ءسىزدىڭ اشىلماي جاتقان، ءوزىڭىز ءالى قولدانىپ كورمەگەن كوپتەگەن مۇمكىندىكتەرىڭىز بار.
دەگەنمەن، كەيبىر جەكە السىزدىكتەرىڭىز دە جوق ەمەس، قالاساڭىز ءسىز ولاردى جويا الاسىز. سىرتتاي قاراعاندا ءتارتىپتى، ءارى وزىنە سەنىمدى بولىپ كورىنگەنىڭىزبەن، شىندىعىندا ۋايىمداۋ مەن سەنىمسىزدىكتى سەزىنۋگە بەيىمسىز”.
«كەي كەزدەرى بىزدەردى دۇرىس شەشىم قابىلدادىق پا، جوق پا دەگەن ويلار مازالاپ جاتادى. كەي وزگەرىستەر بولعانىن قالاساڭىز، كەي شەكتەۋلەر كوڭىلىڭىزدىڭ توماۋىنا اكەلەدى. كەيدە تاۋەلسىز وي ويلايتىنىڭىز ءۇشىن ءوزىڭىزدى ماقتان تۇتاتىن بولاسىز؛ بوتەن ادامداردىڭ پىكىرىن جەتكىلىكسىز دالەلدەرسىز قابىلداپ جاتاسىز. سوندا مىنانداي ماتىندەردى وقىپ، وزىمە ارنالعان دەپ ويلايسىز:
«ءسىز ادامدارمەن تىم اشىق، ەركىن سويلەسۋدىڭ كەرەك ەمەس ەكەنىن ءتۇسىندىڭىز. كەي كەزدەرى ءسىز قىزبا، كەيدە مەيىرىمدى جانە ۇستامدىسىز. ءسىزدىڭ كەيبىر ماقساتتارىڭىز شىنايى ومىردەن الىستاۋ. ومىرلىك ماقساتتارىڭىزدىڭ ءبىرى — تۇراقتىلىق”.
