اڭگىمەلەسۋ بارىسىندا «100 ناقتى قادام» ۇلت جوسپارىنىڭ ىسكە اسىرىلۋ ماسەلەلەرى، سونداي-اق بيىلعى 8 ايداعى سوت تورەلىگىن جۇزەگە اسىرۋ قورىتىندىلارى مەن قازاقستان رەسپۋبليكاسى سۋديالارىنىڭ الداعى VII سەزىنە دايىندىق بارىسى تالقىلاندى، - دەپ حابارلايدى Qamshy.kz اقوردا سايتىنا سىلتەمە جاساپ.

جوعارعى سوت ءتوراعاسى ۇلت جوسپارىنىڭ سوت جۇيەسىنە قاتىستى بارلىق ون قادامى ورىندالعانىن ايتتى. ۇلت جوسپارىندا كوزدەلگەن رەفورمالار رەسپۋبليكانىڭ سوت قۇرىلىمىن جانە سوت ءىسىن جۇرگىزۋدى ودان ءارى جەتىلدىرۋگە زور سەرپىن بەردى. سوت ساتىلارىن وڭتايلاندىرۋ سوت تورەلىگىنە قولجەتىمدىلىكتى ايتارلىقتاي جەڭىلدەتۋگە، سوڭعى شەشىمدى قابىلداۋ ۋاقىتىن قىسقارتۋعا مۇمكىندىك تۋعىزدى.

ق.ءمامي 2016 جىلعى 1 قاڭتاردان باستاپ سوتتار بەس ساتىلىقتان ءۇش ساتىلىق سوت تورەلىگى جۇيەسىنە كوشكەنىن حابارلادى.

سونداي-اق، جوعارعى سوت ءتوراعاسى ينۆەستيسيالىق داۋلاردى قارايتىن جوعارى سوتتىڭ مامانداندىرىلعان القاسى مەن استانا قالالىق سوتىنىڭ مامانداندىرىلعان قۇرامى، سونداي-اق جوعارى سوت جانىنان قۇرىلعان حالىقارالىق كەڭەس تولىققاندى قىزمەت اتقارىپ وتىرعانىن مالىمدەدى.

كەزدەسۋ قورىتىندىسى بويىنشا مەملەكەت باسشىسى سوت جۇيەسىنىڭ جۇمىسىن ودان ءارى جەتىلدىرۋ جانە سۋديالاردىڭ VII سەزىن وتكىزۋگە دايىندىق جونىندە ءبىرقاتار ناقتى تاپسىرما بەردى.