قازاقستاندا جوعارعى ءبىلىم سالاسىنداعى زاڭسىز اقشا اينالىمى جىلىنا 100 ميلليون دوللاردان اسىپ تۇسەدى.

"جالپى جوعارى ءبىلىم سالاسىنداعى زاڭسىز اقشا اينالىمى جىلىنا 100 ملن.اقش دوللارىنان اسىپ ءتۇسۋى ابدەن مۇمكىن"،- دەلىنگەن ۆەدومستۆانىڭ باسپاسوز-رەليزىندە.

ق ر ءبىلىم جانە عىلىم ۆيسە-مينيسترى تاكير بالىقبايەۆتىڭ ايتۋىنشا، بۇگىندە جوو-لاردى باسقارۋ كۇڭگىرت جانە ەسەپ بەرمەيتىن دەڭگەيدە. "وكىنىشكە قاراي، بۇگىنگى تاڭدا ءبىزدىڭ جوو-لار دەڭگەيىندەگى بارلىق شەشىم ءمولدىر ەمەس. مۇندا سىبايلاس جەمقورلىقتىڭ ەلەمەنتتەرى وتە جوعارى. ەلىمىزدە سىبايلاس-جەمقورلىق جاعىنان ءبىلىم سالاسى ءۇشىنشى ورىندا تۇر. ساراپشىلار بەرگەن اقپار بويىنشا، ستۋدەنتتىڭ ءبىر سەسسياسى 50 مىڭ تەڭگەنى قۇرايدى، ءتىپتى ودان دا جوعارى. ال جالپى زاڭسىز اقشا اينالىمى ونداعان ميلليون دوللاردان اسىپ تۇسەدى"،- دەدى تاكير بالىقبايەۆ جوعارعى وقۋ ورىندارىنىڭ جەتەكشىلەرى قاتىسقان جينالىستا.

ءبىلىم جانە عىلىم ۆيسە-مينيسترى تاكير بالىقبايەۆ جاقىن ۋاقىتتا ءبىلىم جانە عىلىم مينيسترلىگىندە انتيكوررۋپسيالىق ساياساتقا قارسى كەڭەس قۇرىلاتىنىن تىلگە تيەك ەتتى. ونىڭ ايتۋىنشا، بۇل جوو-لاردا سىبايلاس جەمقورلىققا قارسى كۇرەستى ۇيلەستىرىپ، جاستاردى پارا بەرمەۋگە، جەمقورلىققا قارسى تۇرۋعا تاربيەلەۋگە سەپتىگىن تيگىزەدى. tengrinews.kz