ءبىز وسى "بيلىك جامان"، "بيلىك ءويتتى، بيلىك ءسويتتى" دەيمىز. نەمەسە "ويان، قازاق!"، "قازاق، قايدا باراسىڭ؟" دەپ كوپ ايتامىز. مەنىڭشە، جالپىلاما تۇسىنىكتەر مەن سۋبەكتىلەردى جالقىلاندىرۋ كەرەك. ياعني، سىن بولسا، ناقتى ادامعا ايتىلۋى ءتيىس. ول كىم بولسىن، ءبارىبىر - پرەزيدەنت بولسىن، بيلىكتىڭ تاعى ءبىر تارماعىنىڭ باسشىسى بولسىن، وپپوزيسيا وكىلى، باسقا ءبىر جاۋاپتى جەكە تۇلعا بولسىن. جانە دە بۇرىس باعىتتا كەتىپ بارا جاتقان قازاقتىڭ نەمەسە ءالى دە ويانباعان قازاقتىڭ ناقتى ءاتى-جونى ايتىلىپ جاتسا، بالكىم سىندارىمىز بەن ۇسىنىستارىمىز ودان سايىن جەمىستى بولۋى مۇمكىن.
