كوكشەتاۋدا «تاۋەلسىزدىككە 25 جىل. تاۋەلسىز قازاقستاننىڭ دامۋىنداعى ءماسليحاتتار مەن قوعامدىق كەڭەستەردىڭ ءرولى» اتتى وبلىستىق فورۋم ءوتتى. شاراعا 350-دەن اسا ادام جينالدى، دەپ حابارلايدى BNews.kz.

اقمولا وبلىسىنىڭ دەپۋتاتتىق كورپۋسىندا 276 دەپۋتات بار. ولاردىڭ 25%-ى – ايەلدەر.
جەرگىلىكتى ۋاكىلەتتى ورگاندار حالىقتىڭ ءومىر ءسۇرۋ ساپاسىن جاقسارتۋ ماقساتىندا قاجەتتى جوسپار قۇرۋدى كوزدەپ وتىر.
الدىمەن، اۋدان ومىرىنە قاتىستى ەڭ وزەكتى ماسەلەلەر تالقىلاندى، كەيىن ءماسليحات پەن تۇراقتى كوميسسيانىڭ جۇمىس جوسپارى جانە سايلاۋشىلاردى قابىلداۋ كەستەسى قۇرىلدى.
«ەلباسىنىڭ حالىققا جولداۋىنداعى قويعان تاپسىرمالاردى ورىنداۋىمىز قاجەت. پرەزيدەنت داعدارىسقا قارسى ءۇش نەگىزگى ستراتەگيانى اتادى. ولار: ەكونوميكانى ءوسىرۋ، ەكونوميكا، قوعام جانە مەملەكەت تۇراقتىلىعىن قامتاماسىز ەتۋ ءۇشىن رەفورما جاساۋ؛ قوعامنىڭ بارلىق سالاسىندا ۇزدىكسىز جاڭعىرۋدى دامىتۋ»، - دەيدى فورۋم ءتوراعاسى، اقمولا وبلىسى ءماسليحاتىنىڭ حاتشىسى دۋلات نۇرمولدين.+
ءماسليحات كەڭەسشىسى سايلاۋ كەزىندە، ەكونوميكالىق، الەۋمەتتىك باعدارلامالار مەن جەرگىلىكتى بيۋدجەتتى بەكىتۋ كەزىندە ءماسليحاتتىڭ ءرولى تۋرالى دا ايتتى.
بيىل قۇقىق قورعاۋ سالاسىندا جەرگىلىكتى ۋاكىلەتتى ورگانداردىڭ قۇزىرەتى كەڭەيگەن: جەرگىلىكتى پوليسيا قىزمەتكەرلەرى ءماسليحات دەپۋتاتتارىنىڭ كەلىسىمىمەن تاعايىندالادى، سونداي-اق ولارعا جىلىنا ەكى رەت ەسەپ بەرەدى.
«1 قىرۇيەكتەگى كورسەتكىش بويىنشا، وبلىس ەلىمىز بويىنشا اۋىل شارۋاشىلىعىنىڭ جالپى ءونىمىنىڭ كولەمى جاعىنان كوش باسىندا تۇر»، - دەپ اكىمدىك پەن ءماسليحاتتىڭ بىرلەسە جۇمىس ىستەۋىنىڭ جەمىسى رەتىندە مىسال كەلتىردى نۇرمولدين.
بۇگىندە اقمولا وبلىسىنىڭ قوعامدىق كەڭەس قۇرامىندا 266 ادام بار. نۇرمولدين بۇل ۇيىمدار جاقىندا قۇرىلعانىمەن، جەتكىلىكتى دەڭگەيدە جۇمىس اتقارىپ جاتقاندىعىن ايتتى.
قوعامدىق كەڭەس پەن ءماسليحات دەپۋتاتتارىنىڭ ارقاسىندا، اقمولا وبلىسى وندىرىستىك ونەركاسىپتە دە، قۇرىلىس پەن جول جوندەۋدە دە، ءبىلىم مەن دەنساۋلىقتى ساقتاۋدا دا ۇلكەن جەتىستىككە جەتتى.