قوستاناي قالاسىنىڭ دوستىق ۇيىندە وتكەن شارا بارىسىندا اتالعان ناگرادالار مەن التىن مەدال ليەۆيتكە تابىستالدى،-  دەپ حابارلايدى Qamshy.kz  Stan.kz –كە سىلتەمە جاساپ.

ال رەسەي فەدەراسياسىنىڭ ارميا، اۆياسيا مەن فلوتقا جاردەمدەسۋدىڭ ەرىكتى قوعامى ريو وليمپياداسىنىڭ كۇمىس جۇلدەگەرى ۆاسيليي ليەۆيتكە «ەڭبەگى ءۇشىن» I دارەجەلى وردەن مەن كسرو-نىڭ ءۇش دۇركىن باتىرى الەكساندر پوكرىشكيننىڭ مەدالىن بەرىپ جىبەردى.

ۇيىمداستىرۋشىلاردىڭ ايتۋىنشا، مەدال ارنايى ۆاسيليي ليەۆيت ءۇشىن قۇيىلدى. ونىڭ ريو-وليمپياداسىنىڭ مەدالدارىنان ەش ايىرماشىلىعى جوق. ءبىر ارتىقشىلىعى – 25 ميكرون التىنى بار. ال وليمپيادا مەدالدارىن تەك 6-اق ميكرون التىنمەن عانا جالاتىپ قويادى. «ءبىز ءۇشىن ۆاسيليي ليەۆيت – وليمپيادا چەمپيونى!»، – دەيدى قوستانايلىقتار. كەزدەسۋگە ۆاسيليي ليەۆيتتىڭ العاشقى باپكەرلەرى دە قاتىستى. اسىلحان بۋسۋرمانوۆ پەن مارات تاپەنوۆ 10 جاسار بوكسشىنى تاربيەلەپ، سپورت شەبەرى دەڭگەيىنە جەتكىزگەننەن استانا قالاسىنا جىبەرگەن. 12 جىل بويى ۆاسيليي «سۇلتان» اتتى سپورت كلۋبىندا جاتتىعىپ، ءوز شەبەرلىگىن شىڭدادى.
 

ايتا كەتەيىك، برازيليانىڭ ريو-دە-جانەيرو قالاسىندا وتكەن وليمپيادا ويىندارى كەزىندە قازاقستاندىق بوكسشى، قوستاناي وبلىسىنىڭ فەدوروۆكا اۋلىنىڭ تۋماسى ۆاسيليي ليەۆيت فينالعا دەيىن جەتىپ، رەسەيلىك بوكسشى ەۆگەنيي تيششەنكومەن كەزدەسكەن بولاتىن. ليەۆيت سوققىلاردىڭ سانى جاعىنان ۇتىپ تۇرسا دا، تورەشىلەر ءوز شەشىمىن تيششەنوكونىڭ پايداسىنا شىعاردى. وسىدان كەيىن زالدا وتىرعان كورەرمەندەر ىسقىرىپ، قازىلار القاسىنىڭ شەشىمىنە نارازىلىق ءبىلدىردى. ماراپاتتاۋ سالتاناتىندا دا تيششەنكو مىنبەرگە كوتەرىلگەندە حالىق گۋىلدەپ، چەمپيوندى مويىندامايتىندارىن جەتكىزگەن.