جەرىمىز كەڭ بولسا دا حالقىمىز از. وتكەن جىلى 1 قىركۇيەكتە ق ر ستاتيستيكا اگەنتتىگىنىڭ ءتوراعاسى ءاليحان سمايىلوۆ قازاقستاندا حالىق سانى 17 ملن. 75 مىڭ ادامعا جەتكەنىن حابارلاعان بولاتىن. وندا قازاقتاردىڭ ۇلەسى 11 ملن. 1 مىڭ 739 ادامعا جەتتى دەپ كورسەتىلگەن ەدى. ال، بيىلعى مالىمەتكە سۇيەنسەك، قازاقتار قازاقستاننىڭ 65،6 پايىزىن قۇراپ، 11ملن. 287 مىڭ ادامعا جەتكەن. الايدا، جالپى الەمدە قانشا قازاق بار ەكەنىن ەشكىم ناقتىلى ايتا المايدى.

قازاقتا «كوپ قورقىتادى، تەرەڭ باتىرادى» دەگەن ءسوز بار. كوپ بولعانعا نە جەتسىن؟! جاقىندا وزگە ەلدەر الەمدەگى قازاقتاردىڭ جالپى سانى 20 ميلليونعا جۋىق دەگەن اقپارات تارتتى. ءيا، سول مەجەگە قاشان جەتەمىز دەپ جۇرگەندە بۇل اقپارات ءبىزدى ەلەڭ ەتكىزدى. ال، ءبىز وسىعان دەيىن جەر بەتىندە 15 ميلليون قازاق بار دەپ كەلدىك. ولاي بولسا، سول شەتەلدىكتەردىڭ ساناعىنا كوز جۇگىرتىپ كورەيىك. نەگىزى ساناق تۇركيا ۇكىمەتىنىڭ زەرتتەۋىمەن جاسالعان ەكەن.

1. وزبەكستاندا رەسمي دەرەكتەر بويىنشا 2 ميلليون 500 مىڭ؛ 2. قىتايدا 2 ميلليون 250 مىڭ؛ 3. رەسەيدە 1 ميلليون 310 مىڭ؛ 4. موڭعوليادا 120 مىڭ؛ 5. تۇركىمەنساندا 125 مىڭ؛ 6. اۋعانستاندا 45 مىڭ؛ 7. تۇركيادا 30 مىڭ؛ 8. گەرمانيادا 17 مىڭ؛ 9. تاجىكستاندا 16 مىڭ؛ 10. يراندا 53 مىڭ 700؛ 11. ۋكراينادا 15 مىڭ؛ 12. فرانسيادا 15مىڭ؛ 13. اقش-تا 10 مىڭ؛ 14. بەلارۋسسيادا 5 مىڭ؛ 15. كانادادا 5 مىڭ؛ 16. ءازىربايجاندا 3 مىڭ؛ 17. گرۋزيادا 3مىڭ؛ 18. پاكىستاندا 5 مىڭ؛ 19. مولدۆادا 3 مىڭ؛ 20. انگليادا 2 مىڭ؛ 21. ليتۆادا 3 مىڭ؛ 22. شۆەسيادا 1 مىڭ؛ 23. ەستونيادا 1 مىڭ؛ 24. ارمەنيادا 1 مىڭ؛ 25. اۆستراليادا 1 مىڭ؛ 26. ارگەنتينادا 700؛ 27. يوردانيادا 300؛ 28. يزرايلدە 200؛ 29. فينليانديادا 64؛ 30. بەلگيادا 2 مىڭ؛ 31. اۋستريادا 900 دەپ كورسەتكەن.

بۇل ەسەپكە سۇيەنسەك، جەر بەتىندە 17 ميلليون 800 مىڭنان ارتىق قازاق بار ەكەن. ءبۇل تاعى 2010-2012-2013 جىلدارداعى مالىمەتتەر نەگىزىندە قارالىپتى. ءدال قازىرگى ەسەپ بويىنشا جەر جۇزىندەگى قازاقتاردىڭ سانى 18 ميلليون دەۋگە نەگىز بار دەپ بولجام جاساپتى تۇرىكتەر.

كۇنسۇلتان وتارباي، «SKIFNEWS.KZ».