قازاقتار تۋرالى اڭگىمەنى الدىمەن "ويشىل" سولجەنيسين باستادى، سودان كەيىن ونى ساياساتكەر جيرينوۆسكيي جالعاستىردى، وعان جازۋشى ليمونوۆ، گۋبەرناتور شتاگىشيەۆ، ساراپشى تەورەتيك سيەۆاستيانوۆ قوسىلدى. ايتاتىن اڭگىمەسى ءبىر - "قازاقتا جەر بولماعان"، "جەردى قايتارۋ"، "قازاق دەگەن ۇلت جوق" (سيەۆاستيانوۆ) جانە ت.س.س. ونىڭ ءبارى ساندىراق ەكەنى راس. ءبىراق ايتىلعان سوزدەر بوس كەتپەپتى. ماي مەيرامى كەزىندە ورىستىڭ ۇلتشىل جاستارى دا "قازاقستان جاساندى مەملەكەت" دەي باستاپتى. سوعان قاراعاندا بۇل "ۆيرۋس" بۇقارالىق سانانى دا جاۋلاپ الا باستاعان سىڭايلى. ياعني، بۇل - ەرتەڭدەرى بىزگە قاتىستى ۋكرايناداعىداي جاعداي قايتالانسا - ونى "بۇقارالىق سانا" تولىق قولداپ شىعادى دەگەن ءسوز. بۇل - وسىنىسىمەن ءقاۋىپتى! بيلىك "اۋىرسا" - ول الماسادى، ال، "حالىقتىڭ ساناسى" اۋىرسا شە؟ ول وسىنداي "ۆيرۋستى" جۇقتىرسا - ونى قالاي جازۋعا بولادى؟
