بەتتەرىنە قارا بەتپەردە كيگەن وڭتۇستىكقازاقستاندىق جاستار “NinetyOne” توبىن قولداپ، اكسيا وتكىزدى،- دەپ حابارلايدى Qamshy.kz  Stan.kz-كە سىلتەمە جاساپ. ۆيدەو Facebook الەۋمەتتىك جەلىسىندە جاريالاندى. قازاق جاستارىن شاراعا باستاپ بارعان اپكەمىز ءوزىنىڭ اتالمىش توپتىڭ جانكۇيەرى ەكەنىن ايتادى.

ول: “وسى جەرگە “NinetyOne” توبىنىڭ 25 جاستان اسقان تىڭدارماندارى مەن جانكۇيەرلەرى جينالىپ تۇر. مەن سىزدەرگە بۇل توپتىڭ مەننەن دە جاسى ۇلكەن تىڭدارماندارى بار ەكەنىنە كۋاگەرلىك بەرەمىن”، – دەيدى دە، ۆيدەونىڭ وسى تۇسىندا اتالمىش اپكەمىز بەن اجەيدىڭ بولجاممەن “NinetyOn” توبىنىڭ كونسەرتىندە وتىرعان فوتولارى كورسەتىلەدى.

ودان ءارى، مۇسىلماندارعا شاشتى بوياۋ سۇننەت ەكەنىن، اللا ەلشىسى پايعامبار شاشتى (س.ع.س.) قىزىل، سارى، قوڭىر تۇسكە بوياپ ءجۇرۋدى بۇيىرعانىن ايتادى. “وسىلاردى بىلمەسەڭىز ءسىز ءوزىڭىزدى قالاي شىن مۇسىلمانمىن دەپ ءجۇرسىز؟”، – دەيدى ول.

سونداي-اق اپكەمىز دالا سالتى بويىنشا اتا-بابالارىمىز بەن باتىرلارىمىز سىرعا تاققانىن، كۇمىس جۇزىكتەردى تاعىپ ءجۇرۋ دە مۇسىلماندىققا قايشى ەمەستىگىن ايتادى.

كەيىننەن ءسوز العان جاستار، كىمدى تىڭداۋ ءوز قۇقىقتارى ەكەنىن، ال 91 توبىن ءارقاشان قولداپ، قورعايتىنىن جانە بۇل توپتىڭ ساحناعا كەلۋىن ۇزاق كۇتكەندەرىن ايتتى.

بۇعان دەيىن وڭتۇستىكتىڭ ءبىر توپ جاستارى اتالمىش توپتىڭ كونسەرتتەرىنىڭ شىمكەنتتە وتكىزىلۋىنە جول بەرمەيمىز دەپ قارسىلىق اكسياسىن ۇيىمداستىرعان  بولاتىن.