وقو-دا تەمىر جول قوزعالىسى ۋاقىتشا توقتاپ تۇر

    Bilal Quanysh
    وقو-دا تەمىر جول قوزعالىسى ۋاقىتشا توقتاپ تۇر
       5 مامىر كۇنى تۇستەن كەيىن رەلستەن شىعىپ كەتكەن جۇك پويىزى 56 ۆاگوندى تيەگەنى، ونىڭ 29-ى اۋدارىلىپ كەتكەنى انىقتالدى.

        وبلىستىق توتەنشە جاعدايلار دەپارتامەنتى وكىلىنىڭ حابارلاۋىنشا، اپات سالدارىنان زاقىم كەلگەن 150 مەترگە جۋىق تەمىرجول بولىگى مەن كونتاكتىلى جەلىنىڭ 4 باعانىن قالىپقا كەلتىرۋ جۇمىستارى قىزۋ جۇرگىزىلۋدە. كەشە كەشكە توتەنشەلىكتەر 12-14 ساعاتتىڭ ىشىندە قالپىنا كەلتىرۋ جۇمىستارىن اياقتاۋعا ۋادە ەتكەن بولاتىن. «قالپىنا كەلتىرۋ جۇمىسى اياقتالعانشا وسى ماڭنان وتەتىن بارلىق پويىز جاقىن ماڭداعى ستانسالاردا توقتاپ تۇر»، − دەيدى دەپارتامەنت وكىلى. ەستەرىڭىزگە سالا كەتەيىك، شىمكەنت قالاسىنان شامامەن 40 شاقىرىم قاشىقتىقتا، ورداباسى اۋدانىندا «چەرنوۆودسكيي-بادام» وتكەلىنە جاقىن ماڭدا «شۋ – ارىس» باعىتىنداعى جۇك پويىزىنىڭ 29 ۆاگونى رەلستەن شىعىپ كەتكەن بولاتىن. جۇك پويىزى كۇكىرت قىشقىلى، قۇرىلىس ماتەريالدارى، كونتەينەرتاسىعىش، استىق تيەپ كەلە جاتقان.

    bnews.kz

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025