ەرتەڭ، ياعني 11 مامىر كۇنى ساعات 10.00- دە ماركوۆ كوشەسى، № 34 ۇيدە ورنالاسقان الماتى قالاسى مامانداندىرىلعان اۋدانارالىق اكىمشىلىك سوتىندا «جۇلدىزدار وتباسى-اڭىز ادام» جۋرنالىنىڭ سوتى بولاتىنىن حابارلادى زاڭگەر ماقسات ءىلياس ۇلى facebook پاراقشاسىندا.
ونىڭ جازۋىنشا، الماتى قالاسى ىشكى ساياسات باسقارماسى «جۇلدىزدار وتباسى-اڭىز ادام» جۋرنالى ق ر «بۇقارالىق اقپارات قۇرالدارى تۋرالى» زاڭنىڭ 15 بابىنىڭ 1 تارماعىنىڭ 8 تارماقشاسىن بۇزعان دەپ ايىپتاپ وتىر. ق ر اكىمشىلىك قۇقىق بۇزۋشىلىق تۋرالى زاڭنىڭ 350 بابىنىڭ 1 تارماعىندا ول زاڭ بۇزۋشىلىق ءۇشىن بۇقارالىق اقپارات قۇرالىنا 20 ايلىق ەسەپتىك كورسەتكىش كولەمىندە ايىپ سالىنادى دەپ كورسەتىلگەن. الايدا، اكىمشىلىك جۋرنالدى شىعارۋشى زاڭدى تۇلعاعا دا، باس رەداكتورعا دا ايىپ سالماقشى. ول زاڭعا ساي كەلمەيدى دەپ ەسەپتەيتىنىن ايتا كەلە، ۇلتشىل ازاماتتاردى ساياسي استارمەن قۋدالاۋعا ءتۇسىپ جاتقان قازاق تىلىندەگى جۋرنالدى قولداۋعا شاقىرادى.
