ءبىر ءنومىرىن گيتلەرگە ارناپ، باسى  ايىقپاس داۋعا قالعان "جۇلدىزدار وتباسى-اڭىز" جۋرنالى بۇگىن ۇلكەن كولەمدە كولەمدە ايىپپۇل الدى. الماتى قالاسى مامانداندىرىلعان اۋدانارالىق اكىمشىلىك سوتى «جۇلدىزدار وتباسى-اڭىز ادام» جۋرنالىنا ق ر «بۇقارالىق اقپارات قۇرالدارى تۋرالى» زاڭنىڭ 15 بابىنىڭ 1 تارماعىنىڭ 8 تارماقشاسىن بۇزعان دەگەن كىنا تاعىپ،  ق ر اكىمشىلىك قۇقىق بۇزۋشىلىق تۋرالى زاڭنىڭ 350 بابىنىڭ 1 تارماعىنا ساي  20 ايلىق ەسەپتىك  كورسەتكىش، ياعني 222 مىڭ 240 تەڭگە (شامامەن 1200 اقش دوللارى) كولەمىندە ايىپ سالدى.

الماتى قالاسى ىشكى ساياسات باسقارماسىنىڭ ب ا ق-نا  جۇرگىزگەن مونيتورينگى بويىنشا،  "جۇلدىزدار وتباسى"، "اڭىز ادام"، "جۇلدىز جورامال"  باسىلىمدارى  وسى جىلعى اقپان  ايىنداعى  نومىرلەرىندە باسپاحانانىڭ ادرەسىن  كورسەتپەگەن. سول سەبەپتى ءۇش باسىلىم قارايتىن  "وتباسى" جاۋاپكەرشىلىگى  شەكتەۋلى سەرىكتەستىگى  (ج ش س) ۇستىنەن ءىس  قوزعالىپ،  سوڭى سوتقا ۇلاستى. ج ش س  قاراماعىنداعى ءۇش جۋرنالعا  جانە باس رەداكتورعا جەكە-جەكە  حاتتاما تولتىرىلىپ، ءار قايسىسىنا 20 ايلىق ەسەپتىك  كورسەتكىش ايىپپۇل سالدى.

الايدا، "وتباسى" ءجشس-نىڭ زاڭگەرى ماقسات ءىليا ۇلىنىڭ  ايتۋىنشا، الماتى قالاسى  ىشكى ساياسات باسقارماسى مونيتورينگتى ءادىل جۇرگىزبەي،  اتالمىش  ءۇش  باسىلىمعا عانا  شۇيلىگىپ  وتىر. ەگەر انىقتاپ  قارار بولسا،  قازىرگى  اقپارات كەڭىستىگىندە مۇنداي باسپاحانا  مەكەن-جايى كورسەتىلمەگەن جاعدايلار كورسەتىلمەگەن  جاعدايلار كوپ. جانە سوت الدىنا "جۇلدىزبەن سىرلاسۋ" جانە  "ءومىر-اي" باسىلىمدارىن ۇسىندى. سونىمەن قاتار، ق ر «بۇقارالىق اقپارات قۇرالدارى تۋرالى» زاڭنىڭ 15 بابىنىڭ 1 تارماعىنىڭ 8 تارماقشاسى بۇزىلعانىن  تولىق  دالەلدەنبەدى. ويتكەنى،  بۇل تارماقشا  بويىنشا، ءبىر تالابى عانا  ورىندالماعان. جانە مۇنى تەك تەحنيكالىق قاتە دەپ تانىپ، بۇل قاتەلىكتىڭ قوعامعا نەمەسە  جەكە ادامعا ەش زيانى جوق ەكەنىن ەسكەرە وتىرىپ، سوتتان ەسكەرتۋ رەتىندە جازالاۋىن سۇرادى.

ال، "وتباسى" ج ش س ديرەكتورى،  باس  رەداكتور جارىلقاپ قالىباي جۋرنالدا تەحنيكالىق قاتەنىڭ كەتكەنىن مويىندادى. جانە  باسقا ەمەس،  ءدال وسى  باسىلىمعا شۇيلىگۋىن سىنىققا سىلتاۋ دەپ باعالادى. "اڭىز  ادام" جۋرنالىنىڭ گيتلەرگە  ارنالعان نومەرىنەن كەيىنگى جۋرنالعا  جاسالعان ىس-ارەكەتتەردىڭ ءبىرى ەكەنىن ايتتى.

ەستەرىڭىزگە سالا كەتەيىك،  "جۇلدىزدار وتباسى-اڭىز ادام"  جۋرنالى ءساۋىر ايىنداعى ءنومىرى قوعامدا داۋ  تۋدىرعان ەدى. گيتلەرگە  ارنالعاندىقتان قۇزىرلى ورگاندار جۋرنالعا  ەسكەرتۋ ايتىپ، رەسەي ءسىم جاۋاپ بەرۋىن تالاپ  ەتتى.

ال، سوڭى بۇگىنگىدەي ءىرى كولەمدە ايىپپۇل سالۋمەن اياقتالدى.