كانادا بيلىگى رەسەيدىڭ ۋكرايناداعى داعدارىسقا الىپ كەلگەن ارەكەتتەرىن ايىپتاپ، 6 مامىردا جاريالاعان سانكسيالارىن كەڭەيتە ءتۇستى. BBC-دىڭ اقپاراتىنا ساي كانادا ۋكرايناداعى جاعدايدى حالىقارالىق بەيبىتشىلىك پەن قاۋىپسىزدىك تالاپتارىنىڭ ورەسكەل بۇزىلۋى دەپ سيپاتتاپ، پۋتين رەجيمى اگرەسسياسىن جاۋاپسىز قالدىرمايتىنىن ەسكەرتكەن. مالىمدەمەگە ساي ەندى سانكسيالار ساياسي جاۋاپكەرشىلىگى بار تۇلعالارعا سالىنۋدا. اتاپ ايىتساق رەسەي قارۋلى كۇشتەرىنىڭ شتاب باستىعى ۆالەريي گەراسيموۆ، ۋكراينا شىعىسىنداعى رەسەيشىل سەپەراتيس جەتەكشىلەرىنىڭ ءبىرى يگور سترەلكوۆ، سونداي-اق رەسەي مەملەكەتتىك دۋماسىنىڭ ورىنباسار حاتشىسى - سەرگەي نيەۆەروۆ پەن ليۋدميلا شۆەسوۆا(ەكەۋى دە "ەدينوي روسسيي" پارتياسىنان.) سياقتى تۇلعالار قارا تىزىمگە ىلىككەن.
سونىمەن قاتار بۇل تىزىمدە ۋكراينا ازاماتتارى دا بار. ولار - جاريالانعان جاڭا ايماقتاردىڭ بيلىگىنە كەلگەن، لۋگانسك وبلىسىنىڭ گۋبەرناتورى گەرمان پروكوپيۆ، «دونەسك حالىق رەسپۋبليكاسىنىڭ» باسشىسى اندرەي پۋرگين مەن دەنيس پۋشيلين، «دونباسس حالىق جاساعى» باسشىسى سەرگەي سىپلاكوۆ.
ەستەرىڭىزدە بولسا 6 مامىردا جاريالانعان كانادا سانكسياسىنا رەسەيلىك 16 كومپانياعا كىرگەن. ول تىزىمدە ءپۋتيننىڭ جاقىن جاقتاستارى جانە 23 ناۋرىزدا اقش جاريالانعان سانكسيانىڭ قارا تىزىمىنە ەنگەندەر بار بولاتىن.
بۇگىن سونداي-اق ەۋرووداق تا قارا تىزىمگە جاڭادان ەنگەن تۇلعالاردىڭ ەسىمىن جاريالادى. «ازاتتىقتىڭ» حابارلاۋىنشا تىزىمدە رەسەيدىڭ قىرىمدى اننەكسيالاپ الۋىنا قاتىسى بار شەنەۋنىكتەر - رەسەي پرەزيدەنتى اپپاراتى باسشىسىنىڭ ءبىرىنشى ورىنباسارى ۆياچەسلاۆ ۆولودين، رەسەي اۋە دەسانتى كۇشتەرىنىڭ قولباسشىسى ۆلاديمير شامانوۆ، رەسەي مەملەكەتتىك دۋماسى كونستيتۋسيالىق كوميتەتىنىڭ باسشىسى ۆلاديمير پليگين، رەسەي فەدەرالدىق ميگراسيالىق قىزمەتى باسشىسىنىڭ مىندەتىن اتقارۋشى پەتر ياروش بار. سانكسيالار بۇلارعا قوسا ۋكراينانىڭ شىعىسىنداعى سەپاراتيستەردىڭ جەتەكشىلەرىنە - سلاۆيانسكىنىڭ ءوزىن-وزى جاريالاعان ۆياچەسلاۆ پونوماريەۆكە، دونەسكىدەگى سەپاراتيستىك اسكەري وتريادتىڭ باسشىسى يگور بەزلەرگە جانە ءوزىن-وزى جاريالاعان دونەسك حالىق رەسپۋبليكاسى ورتالىق سايلاۋ كوميسسياسىنىڭ باسشىسى رومان لياحينگە دە سالىنعان. تىزىمدە رەسەي قىرىمدى اننەكسيالاپ العاننان كەيىن قىرىمنىڭ جاڭا بيلىگى تاركىلەگەن چەرنومورنەفتەگاز جانە فەودوسيا كومپانيالارى دا بار.
Abai.kz
