وڭتۇستىك قازاقستان وبلىسى سارىاعاش اۋدانى جەمىستى اۋىلدىق وكرۋگى اۋماعىندا جەمىس-جۇزىم كوشەتتەرىن وسىرەتىن شارۋاشىلىقتىڭ قازىرگى جۇمىستارى تۋرالى ايتقالى وتىرمىز. كەڭەستىك داۋىردەن-اق بۇل اۋىل جەمىس-جۇزىم ونىمدەرىن وندىرۋمەن اينالىسقان. ونىمەن قوسا سول كەزدىڭ وزىندە جەمىس-جۇزىم كوشەتتەرىن بۇكىل كەڭەس وداعىنا جىبەرىپ وتىرعان. 1987 جىلى «توبولينو» (دەربىسەك ا/و) سەلولىق كەڭەسىنە قاراستى پلودوياگودنوە جانە سەلينا بولىمشەلەرى ءوز الدىنا ءبولىنىپ شىعىپ «پلودوياگودنوە» سەلولىق كەڭەسى قۇرىلعان. 1994 جىلدان باستاپ «پلودوياگودنوە» سەلولىق كەڭەسى جەمىستى اۋىلدىق وكرۋگى بولىپ قايتا قۇرىلىپ، قۇرامىنا جەمىستى جانە تىڭ ەلدى مەكەندەرى كىرگەن. بۇگىنگى تاڭدا اۋىل وكرۋگىندە 730 وتباسى، 7 ۇلت وكىلدەرى، 4320 تۇرعىن بار. جەمىستى اۋىلدىق وكرۋگى اگرارلىق اۋماققا جاتاتىندىقتان اگروقۇرلىمدار مەن شارۋا قوجالىقتارىنىڭ، جەكە تۇرعىنداردىڭ نەگىزگى كاسىبى جەمىس-جۇزىم ونىمدەرىن ءوندىرۋ مەن كوشەتتەرىن وسىرۋمەن اينالىسادى. وكرۋگ اۋماعىندا اۋىل شارۋاشىلىعى سالاسىندا «قازاق جەمىس جانە ءجۇزىم شارۋاشىلىعى عىلىمي زەرتتەۋ ينستيتۋتىنىڭ» (قازعزي) سارىاعاش فيليالى، «سارىاعاش جەر سىيى» ج ش س، «بەس ارىس-ىنتىماق» ج ش س، «سارىاعاش كوشەت» ج ش س، «نەو پيتومنيك» ءجشس-ى مەن 56 جەكە شارۋا قوجالىقتارى جۇمىس اتقارادى.
بۇگىنگى تاڭدا جالپى اۋىلدىق وكرۋگى بويىنشا 155،0 گا جەرگە جەمىس، 40،0 گا جەرگە ءجۇزىم، 215،0 گا جەردە جەمىس-جۇزىم پيتومنيگى جانە 5،5 گا جەردى جىلىجاي القاپتارى الىپ جاتىر.
بۇگىنگى كۇندە وكرۋگ بويىنشا جەمىس كوشەتتەرىنىڭ 12 ءتۇرى، سۇيەكتى جەمىس كوشەتتەرىنىڭ 11 ءتۇرى، ءجۇزىمنىڭ 7 ءتۇرى وسىرىلۋدە. يتاليا ەلىنەن الىنىپ كەلىنگەن گولدەن دەليشەس، رەد دەليشەس، گالا جانە گرينن سميد الما كوشەتتەرى دە وسىرىلەدى. سوڭعى ۋاقىتتا وكرۋگ بويىنشا جىل سايىن 1 ملن. عا جۋىق ءجۇزىم، 750 مىڭنان اساتىن جەمىس، 75 مىڭداي دەكوراتيۆتى اعاش كوشەتتەرى ءوندىرىلىپ، وندىرىلگەن ءونىم جاقىن شەت ەلدەر مەن ەلىمىزدىڭ وڭتۇستىك اۋماقتارىنا تاراتىلۋدا. جالپى اۋدانىمىزدا ءوندىرىلىپ جاتقان جەمىس-جۇزىم كوشەتتەرىنىڭ 80-85 پايىزى وسى اۋماقتا وسىرىلۋدە.
سارىاعاش اۋدانىندا ماقتانىشى تەك بۇل جەمىس پەن جۇزىمدەر عانا ەمەس. مۇندا بيىلعى جىلى 77 مىڭ 460 گەكتار جەرگە ەگىس ەگىلىپ، شارۋالار بارلىعى 350 مىڭ تونناعا جۋىق اۋىل شارۋاشىلىعى ونىمدەرىن جيناعان. اتاپ ايتقاندا، سارىاعاشتا 232 134 توننا كوكونىس، 37 077،6 توننا باقشا ونىمدەرى جانە 79 800 توننا كارتوپ ونىمدەرى الىنعان. قازىرگى ۋاقىتتا بۇل ونىمدەر ىشكى، سىرتقى نارىققا شىعارىلدى. اتالمىش ونىمدەردىڭ 20 پايىزى جەرگىلىكتى xالىق پەن وبلىسىمىزدىڭ باسقا اۋداندارىنا جىبەرىلسە، قالعان 80 پايىز ءونىم ەلىمىزدىڭ سولتۇستىك، شىعىس، باتىس وڭىرلەرىنە، سونداي-اق، كورشىلەس رەسەيگە ەكسپورتتقا جىبەرىلۋدە.
