قارقىندى باۋ ءوسiرۋمەن «كەنتاۋ» ج ش س، «زەردە اگرو» شق، «تۇلكiباس ترانسسەرۆيس» ج ش س بەلسەندi اينالىسۋدا. شارۋاشىلىقتار جەمiس اعاشتارىن كۇتiپ-باپتاۋدا وركەنيەتتi ەلدەردiڭ، ونىڭ iشiندە تۇركيا، پولشا مەملەكەتتەرiنiڭ سوڭعى ۇلگiدەگi وزىق ءتاجiريبەلەرiن پايدالانادى. بۇل ينتەنسيۆتi باۋلارعا نەگiزiنەن تامشىلاتىپ سۋارۋ تەحنولوگياسى كەڭiنەن قولدانىلادى. بارلىق قاجەتتi تەحنيكاسى بار شارۋاشىلىق قىزمەتكەرلەرiنiڭ ەڭبەگi ايتارلىقتاي جەڭiلدەتiلگەن. اگروتەحنيكالىق شارالاردى ۋاقتىلى ءارi ساپالى جۇرگiزۋگە ىڭعايلى. مەملەكەت تاراپىنان جەڭiلدiكتەر كورسەتiلۋدە. قارقىندى باۋ ءۇشiن كوشەتتەر وتىرعىزعان كەزدە ينۆەستيسيالىق جوبالاردى سۋبسيديالاۋ باعدارلاماسى بويىنشا العاشقى جىلى ءاربiر گەكتارىنا كەتكەن شىعىننىڭ 40 پايىزى قايتارىلىپ بەرiلەدi.

بۇل ايماقتىڭ كەزiندە المانىڭ «اپورت» سورتىن ءوسiرۋمەن دە اتى شىققانى ءمالiم. بەلگiلەنگەن تالاپ بويىنشا اپورت ءوسiرۋ ءۇشiن تاڭدالىپ الىنعان جەر القابى تەڭiز دەڭگەيiنەن 900 مەتردەن جوعارى بيiكتiكتە بولۋى كەرەك. قازiرگi كەزدە المانىڭ وسىنداي سورتىن ءوسiرiپ جۇرگەن شارۋاشىلىقتاردىڭ سانى جىلدان-جىلعا كوبەيiپ كەلە جاتقانى كوڭiلگە قۋانىش ۇيالاتادى. اۋدان بويىنشا ونىڭ كولەمi 200 گەكتارعا جەتتi. بۇل سورت قىسقا مەيلiنشە ءتوزiمدi، 7-8 جىلدان كەيiن ءونiم بەرەدi. جەمiسi iرi، بiر المانىڭ سالماعى 500-600 گرامعا دەيiن تارتادى. ال، ءتۇسi القىزىل بولىپ كوز ءسۇيسiنتەدi. ول قىركۇيەك ايىندا پiسەدi. دەمەك، اپورت المالاردى كەلەسi جىلدىڭ قاڭتار، اقپان ايلارىنا دەيiن ساقتاۋعا بولادى.

2020 جىلعا دەيiن تۇلكiباس اۋدانىندا الما باۋ كولەمi 3 600 گەكتارعا جەتكiزiلمەك. وسىلايشا قارقىندى باۋ ءوسiرۋ دامىتىلىپ، ءونiم كولەمiن ۇلعايتۋ جوسپارلانۋدا. الداعى مەرزiمدە المانى تۇلكiباس اۋدانىنىڭ برەندiنە اينالدىرۋ جولىندا جۇمىستار اتقارىلاتىن بولادى.

سەرiكقالي جەكسەنبايەۆ، «ءوڭتۇستiك قازاقستان». http://okg.kz/