قازاقستاندا الداعى جىلى زەينەتاقى مولشەرى ارتاتىنى بەلگىلى بولدى. 2017 جىلى قازاقستاندا بازالىق زەينەتاقى كولەمى ارتىپ، 12 مىڭ 802 تەڭگەنى قۇرايدى، - دەپ حابارلايدى Qamshy.kz.

«الەۋمەتتىك جاردەماقى 7 پايىزعا كوتەرىلەدى. زەيناتاقى ورتا ەسەپپەن 20 مىڭ 167 تەڭگەنى قۇرايدى»، – دەپ مالىمدەدى ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى ءبىرجان نۇرىمبەتوۆ 2017-2019 جىلدارعا ارنالعان رەسپۋبليكالىق بيۋدجەت زاڭ جوباسىن شولۋ جونىندەگى جيىندا.

ونىڭ ايتۋىنشا، 2017 جىلدىڭ قاڭتار ايىنان باستاپ بارلىق الەۋمەتتىك جاردەماقىلار 7 پايىزعا كوتەرىلەدى.

سونىمەن قاتار، 2018 جىلدىڭ 1 قاڭتارىنان باستاپ الەۋمەتتىك دامۋ كونسەپسياسىن جۇزەگە اسىرۋ قولعا الىنادى.

«وزگەرتۋلەر ەنگىزۋ ءۇشىن قوسىمشا شىعىندار ەسەپتەلۋدە. 2018 جىلعا قاراستىرىلىپ وتىرعان بازالىق زەينەتاقى، اسىراۋشىدان ايىرىلعان جاعدايداعى جاردەماقىلار – 63 ملرد تەڭگە، ال 2019 جىلعا 88 ملرد تەڭگەگە كوزدەلىپ وتىر»، – دەيدى ۆيسە-مينيستر.