شاعىن جانە ورتا بيزنەستى جاقسى جولعا قويا بىلگەن، اسىقاتا كەنتىندە ورنالاسقان، «اق ۇلپا» مەديسينالىق ماقتا شىعارۋ كاسىپورنىنا ات باسىن بۇردىق. «ا تام ەكەنى ج ش س ديرەكتورى مۇحتار بالتاباي ۇلى تورەگەلدييەۆ ءوندىرىس ورنىنىڭ جۇمىس بارىسىمەن تانىستىردى. سونداي-اق مەكەمە باسشىسى ءوند ءىرىس جۇمىسىنا قولبايلاۋ بولىپ وتىرعان ماسەلەلەردى دە تىلگە تيەك ەتتى.
- ءبىزدىڭ مەكەمە 2004 جىلى قۇرىلعان. كەيىننەن وتاندىق وندىرىسكە بەت بۇرۋ ماقساتىندا 2011 جىلى مەديسينالىق ماقتا شىعارۋ ءىسىن قولعا الدىق. بۇعان كوپ قاراجات قاجەت بولعاندىقتان، 2012 جىلى قوسىمشا جاڭا قۇرال-جابدىقتار ساتىپ الۋعا «ماكسيمۋم» ايو-نان 7 پايىزبەن 17 ميلليون 600 مىڭ تەڭگە نەسيە العانبىز. جىلىنا 100-120 توننا جوبالىق قۋاتتىلىقتى قامتيتىن ءونىم وندىرۋگە قاۋقارلى بولعانىمىزبەن، سوڭعى جىلدارى ەلىمىزدەگى ەكونوميكالىق داعدارىسقا بايلانىستى 60-70 توننا ءونىم وندىرۋدەمىز. 15 ادامدى جۇمىسپەن قامتىپ وتىرمىز. ولاردىڭ ايلىق جاپاقىسى ورتاشا ەسەپپەن 60-70 مىڭ تەڭگەنى قۇرايدى.
مەملەكەتتىڭ قولداۋ ءبىلدىرۋى ارقاسىندا قۇنى 9 ميلليون تەڭگە تۇراتىن ارتەزيان سكۆاجيناسى ىسكە قوسىلعالى سۋدان تارشىلىق كورىپ وتىرعانىمىزجوق. ءوز ونىمدەرىمىزدى رەسپۋبليكا كولەمىندەگى بارلىق وبلىستارعا شىعارامىز. بولاشاقتا ەۋرازيالىق ايماققا، رەسەي، بەلورۋسياعا ونىمدەرىمىزدى ەكسپورتقا شىعارۋ جوسپارىمىزدا بار. وسىعان بايلانىستى 2014 جىلدان باستاپ اۋدانىمىزداعى يندۋستريالدى ايماقتان ماقتا وڭدەۋ زاۋىتىن ىسكە قوسۋعا ارەكەت جاساپ جاتىرمىز. الايدا بۇل جوبانى جۇزەگە اسىرۋ ءۇشىن قاجەتتى قارجىنى بانكتەردەن الا الماي كەلەمىز. زاۋىتتى تولىقتاي ىسكە قوسۋ ءۇشىن 100 ميلليون تەڭگەدەن استام قاراجات كەرەك. ال مۇنداي ۇلكەن قارجىنى بانكتەر بەرە المايتىنىن ايتۋدا. ءبىزدىڭ اۋدانىمىزدا ماقتامىز شەت مەملەكەتتەرگە شيكىزات كۇيىندە ساتىلىپ جاتىر. ونىڭ پايداسىن وزگەلەر كورىپ جاتقانىن ويلاعاندا وزەگىڭ ورتەنەدى. سوندىقتان وزىمىزدە بار ءونىمدى تەرەڭىرەك وڭدەسەك، ءجىپ يىرسەك، ماتا شىعارساق، ءوز حالقىمىزدى كيىندىرۋگە، مەديسينالىق ماقتامەن قامتاماسىز ەتۋگە شامامىز جەتەدى. وسىلايشا ەلىمىزدىڭ ەكونوميكاسى دا كوتەرىلەر ەدى. اتالمىش كاسىپورىندا قانشا ءونىم ءتۇرى وندىرىلەدى دەگەن سۇراعىمىزعا «مەديسينالىق ماقتادان بولەك، مۇندا جەرگىلىكتى تۇرعىنداردىڭ سۇرانىسىنا وراي، كورپە، جاستىق دايىنداۋمەن اينالىساتىن تىگىن سەحى جۇمىس ىستەيدى. وعان قوسا قىتايدان ماقتا ونىمدەرىنىڭ باسقا دا تۇرلەرىن وڭدەۋگە بايلانىستى تاجىريبە الماسۋ ماقساتىندا بىلىكتى ماماندار شاقىرىپ وتىرمىز. سونداي-اق داكە توقۋدى قولعا الساق دەگەن نيەتىمىز بار»، - دەدى م.بالتاباي ۇلى.
ءبيبىاجار تاڭىربەرگەنوۆا، «ماقتاارال» گازەتىنىڭ ارناۋلى ءتىلشىسى.
«ماقتاارال» گازەتى، №43 2016
