تاراز قالاسىنداعى «زاپچاست» ەلەكترو-مەتتاللۋرگيالىق زاۋىتىندا وقىس وقيعا بولدى. مۇندا مەتالل بالقىتۋ جۇمىستارى كەزىندە ەرىگەن سۇيىق مەتالل توگىلىپ، سەحتا ىستەيتىن جۇمىسشى زارداپ شەكتى. 30 جاستاعى جۇمىسشى دەنەسىنىڭ 50 پايىزىن كۇيىك شالعان. ول جەدەل تۇردە №2 قالالىق اۋرۋحاناعا جەتكىزىلدى. ءقازىر ناۋقاس جان ساقتاۋ بولىمىندە جاتىر. دارىگەرلەردىڭ ايتۋىنشا بەتى مەن دەنەسىنىڭ بەلدەن تومەنگى بولىگى تولىقتاي كۇيگەن. ءوندىرىس ورنىندا بولعان وقىس وقيعانىڭ سەبەپ-سالدارىن انىقتاۋ ءۇشىن ارنايى كوميسسيا قۇرىلدى.
 
ابىلسەيىت سىدىقوۆ، تاراز قالالىق №2 اۋرۋحاناسىنىڭ ءبولىم مەڭگەرۋشىسى: -بۇگىنگى تاڭعا ونىڭ جالپى جاعدايى تۇراقتى. ءبىراق وتە اۋىر. اۋىرلىق جاعدايى سول العان جاراقاتىنا بايلانىستى. جاراقاتتارى 1، 2، 3، ءبىر جەرلەرىندە 4ء-شى پايىزعا دەيىن، 4ء-شى ستەپەنگە دەيىن شالعان.