Microsoft قازاقستان جانە تۇڭعىش پرەزيدەنت قورى  بىرلەسە  وتىرىپ، ءبىلىم بەرۋدەگى پيلوتتىق جوبانىڭ ىسكە قوسىلدى

2014 جىلدىڭ 14 مامىرىندا سارسەنبى كۇنى قاسكەلەڭ قالاسىندا Microsoft قازاقستان كومپانياسىنىڭ وكىلدەرى «ءبىلىم بەرۋدەگى سەرىكتەستىك» (Partners in Learning) باعدارلاماسى شەڭبەرىندە تۇڭعىش پرەزيدەنت قورىنىڭ قولداۋ كورسەتۋىمەن وقىتۋ ۇردىسىندە يننوۆاسيالىق ات-تەحنولوگيالاردى قولدانۋ جونىندەگى پيلوتتىق جوبانىڭ ىسكە قوسىلعانى تۋرالى حابارلادى. اتالعان جوبانىڭ شەڭبەرىندە قاسكەلەڭ قالاسىنداعى اباي اتىنداعى ورتا گيمنازيا-مەكتەبىنە ىشىندە ءبىلىم بەرۋگە ارنالعان Office 365،  Autocollage جانە DeepZoom سەكىلدى ءبىلىم بەرۋ باعدارلامالارى مەن قوسىمشالارى بار  Windows 8.1 وپەراسيالىق جۇيەسىنىڭ نەگىزىندە جۇمىس جاسايتىن  ASUS Transformer Book T100 ۇتقىر نوۋتبۋگىنىڭ 13 سانى تاپسىرىلدى. سونىمەن قاتار،  وقىتۋ ۇردىسىندە ۇتقىر نوۋتبۋكتەر مەن بۇلتتىق قىزمەتتەردى قولدانۋ بويىنشا مۇعالىمدەرگە ارنالعان ترەنينگتەر وتكىزىلىپ، Microsoft-تىڭ يننوۆاسيالىق مۇعالىمدەرىنىڭ  www.pil-network.com پورتالىندا قولجەتكىزۋگە بولاتىن قوسىمشالار تانىستىرىلدى. ءىس-شاراعا كەلەسى تۇلعالار قاتىستى:

• جانار راحىمجانوۆا، ءبىلىم بەرۋ سەكتورىمەن جۇمىس جاساۋ ءبولىمىنىڭ جەتەكشىسى، Microsoft قازاقستان؛
• ەركىن يسرايىلوۆ، تۇڭعىش پرەزيدەنت قورى جانىنداعى «قاراساي اۋدانىنىڭ ءبىلىم بەرۋ قورى» كورپوراتيۆتىك قورىنىڭ اتقارۋشى ديرەكتورى؛
• تۇرسىن سايبىروۆا، اباي اتىنداعى ورتا گيمنازيا-مەكتەبىنىڭ ديرەكتورى.

ساپالى ءبىلىم الۋ – ادامنىڭ نەگىزگى قۇقىعى عانا ەمەس، سونىمەن بىرگە كەلەشەككە قۇيىلاتىن ەڭ باستى ينۆەستيسيا. ول - جەكەلەگەن قولدانۋشىلارعا عانا ەمەس، سونىمەن بىرگە جاھاندىق اۋقىمدا جەدەل دامىپ جاتقان ەڭبەك قۇرىلىمىنداعى تۇتاستاي ءبىر قاۋىمداستىقتار ءۇشىن جاڭا ەكونوميكالىق مۇمكىندىكتەرگە قولجەتكىزۋدىڭ كىلتى. «الداعى 10 جىلدا قۇرىلاتىن جۇمىس ورىندارىنىڭ 80 پايىزدان استامى كومپيۋتەرلىك ساۋاتتىلىق داعدىلارىن قاجەت ەتەتىن بولادى. 21 عاسىرداعى كەز كەلگەن دەرلىك جۇمىس سىني ويلاي ءبىلۋ، ءتيىمدى قارىم-قاتىناس قۇرۋ جانە ۇيلەسىمدى تۇردە بىرلەسە جۇمىس جاساي ءبىلۋ داعدىلارىن قاجەت ەتەدى. قازىرگى زاماننىڭ وسىنداي تالاپتارىنا جاۋاپ بەرۋ ءاربىر وقۋشىمەن جەكە دارا جۇمىس جاساي الاتىن جانە وقىتۋ ۇردىسىندە ات-تەحنولوگيالاردى قولداناتىن وقىتۋشىلار بولعان جاعدايدا عانا مۇمكىن بولىپ تابىلادى»، - دەپ اتاپ ءوتتى  Microsoft قازاقستاننىڭ  ءبىلىم بەرۋ سەكتورىمەن جۇمىس جاساۋ ءبولىمىنىڭ جەتەكشىسى جانار راحىمجانوۆا.

«ءبىلىم بەرۋ ۇردىسىندە ۇتقىر نوۋتبۋكتاردى پايدالانۋ كوپتەگەن قولايلى جاعدايلاردى ۇسىنادى. ءبىلىم بەرۋ ۇردىسىندە وقىتۋشى مەن وقۋشىنىڭ قولداناتىن بۇكىل اقپاراتى كەز كەلگەن ۋاقىتتا قولجەتىمدى بولاتىن جەڭىل ءارى ۇتقىر قۇرىلعىدا ساقتالادى. قىزىقتى ءارى ويىن-ساۋىق تۇرىندەگى باعدارلامالار مەن قوسىمشالار كومەگىمەن وقىتۋدىڭ ينتەراكتيۆتىلىگى ارتا تۇسەدى. كوزبەن كورۋگە بولاتىن، كەڭىستىكتە ورنالاساتىن وقىتۋ ادىستەرى وقۋشىلاردىڭ زەيىنىن شوعىرلاندىرۋدىڭ وڭتايلى دەڭگەيىن بارىنشا قامتاماسىز ەتەتىنىن سوڭعى زەرتتەۋلەر كورسەتىپ وتىر»، - دەدى تۇڭعىش پرەزيدەنت قورى جانىنداعى «قاراساي اۋدانىنىڭ ءبىلىم بەرۋ قورى» كورپوراتيۆتىك قورىنىڭ اتقارۋشى ديرەكتورى ەركىن يسرايىلوۆ.

«ءبىلىم بەرۋدەگى سەرىكتەستىك» (Partners in Learning) باعدارلاماسى بۇل –  اقپاراتتىق تەحنولوگيالاردى قولدانۋ ارقىلى پەداگوگتار مەن وقۋشىلارعا تولىعىمەن ءوز مۇمكىندىكتەرىن جۇزەگە اسىرۋعا كومەكتەسۋگە باعىتتالعان Microsoft كورپوراسياسىنىڭ جاھاندىق باستاماسى. وسى باعدارلامانىڭ ارقاسىندا وقىتۋ مەكەمەلەرىنىڭ تۇلەكتەرى بىرلەسكەن جۇمىستى ءتيىمدى ۇيىمداستىرۋ، قارىم-قاتىناس قۇرۋ جانە اقپاراتتى ساۋاتتى تۇردە باسقارۋ داعدىلارىن يگەرەدى. «ءبىلىم بەرۋدەگى سەرىكتەستىك» باعدارلاماسى شەڭبەرىندە  Microsoft قازاقستان ق ر ءبىلىم بەرۋ مينيسترلىگىمەن بىرلەسە وتىرىپ وقىتۋشىلاردىڭ، وقۋشىلار مەن ستۋدەنتتەردىڭ اكت-عا قاتىستى قۇزىرەتتەرىن دامىتۋ بويىنشا ءىس-شارالاردى وتكىزىپ، وقىتۋ ۇردىسىندە يننوۆاسيالىق تاجىريبەلەردى قولدانۋعا قولعابىس ەتەدى.

Microsoft تەحنولوگيالارى بۇكىل الەم بويىنشا مەكتەپتەردىڭ 98 %-دا قولدانىلادى. كومپانيانىڭ كەشەندى شەشىمدەرى ءقاۋىپسىز تۇردە ەڭ سوڭعى تەحنولوگيالاردى ورىستەتۋگە جانە بۇكىل الەمدەگى وقىتۋشىلاردىڭ الدىندا تۇرعان ەڭ وزەكتى ماسەلەلەردى كەلەسى جولدارمەن شەشۋگە مۇمكىندىك بەرەدى:

• ونىمدىلىك جانە شىعارماشىلىق. بۇگىنگى كۇنى  Microsoft Office 365ء-تى 110 ميلليون وقۋشى، وقىتۋشى جانە وقىتۋ مەكەمەلەرىنىڭ باسقا دا قىزمەتكەرلەرى قولدانادى.  Microsoft كومپانياسى قازاقستاندا Office 365 بۇلتتىق قىزمەتىن ءبىلىم بەرۋ مەكەمەلەرىنىڭ بارلىعىنا تەگىن ۇسىنادى. اتالعان قىزمەت ءبىرقاتار ۋنيۆەرسيتەتتەر، كوللەدجدەر مەن مەكتەپتەردە بەلسەندى تۇردە پايدالانىلادى. اتاپ ايتقاندا، نازاربايەۆتىڭ زياتكەرلىك مەكتەپتەرىندە وسى قىزمەتتى 10 مىڭعا جۋىق وقۋشى پايدالانادى.

• بىلىكتىلىكتى كوتەرۋ. Microsoft وقىتۋشىلاردى جاڭا تەحنولوگيالارعا وقىتاتىن رەسۋرستاردى، ونىڭ ىشىندە بۇكىل الەمنىڭ 1 ميلليونعا جۋىق وقىتۋشىسىن قامتيتىن Partners in Learning Network جەلىسىن ۇسىنادى. مۇندا بىلىكتىلىكتى كوتەرۋگە ارنالعان ينتەرنەت-كۋرستارعا، وقىتۋشىلاردىڭ ءوز ارىپتەستەرىنە ارناپ جاساعان قولدانبالى نۇسقاۋ قۇرالدارى مەن وقۋ تاپسىرمالارىنا قولجەتكىزۋگە بولادى.
• مامانداردى دايىنداۋ.Microsoft IT Academyباعدارلاماسى شەڭبەرىندە  8،5 ملن. وقىتۋشى مەن وقۋشى ولارعا ءوز بىلىمدەرىن تولىقتىرۋعا كومەكتەسەتىن وزىق تەحنولوگيالارمەن جۇمىس جاساۋ داعدىلارىن يگەرۋدە. سونىمەن قاتار Teaching With Technologyباعدارلاماسى شەڭبەرىندە Microsoft بۇكىل الەم بويىنشا وقىتۋشىلارعا وقىتۋ ءۇردىسىن جاقسارتا وتىرىپ سىنىپ جۇمىسىندا تەحنولوگيالاردى تابىستى قولدانۋعا كومەكتەسەدى.
• YouthSpark باستاماسى.بۇل باستامادا ءبىلىم الۋ، جۇمىسقا تۇرۋ جانە كاسىپكەرلىك سەكىلدى نەگىزگى ءۇش باعىت بويىنشا جاستارعا ءوز مۇمكىندىكتەرىن جۇزەگە اسىرۋعا قولداۋ كورسەتەتىن  Microsoft-تىڭ قولدانىستاعى جانە جاڭا باعدارلامالارى بىرىكتىرىلگەن.

Microsoft كومپانياسى تۋرالى

 Microsoft كومپانياسى – قۇرىلعىلار، باعدارلامالىق جابدىقتامالار مەن  IT-قىزمەتتەردىڭ كەڭ اۋقىمىن جەتكىزۋمەن اينالىساتىن اقپاراتتىق تەحنولوگيالار سالاسىنداعى الەمدىك كوشباسشى. ول الەمنىڭ 190-نان اسا ەلىندە جۇمىس جاسايتىن الەمدەگى ەڭ ءىرى كورپوراسيالاردىڭ ءبىرى بولىپ تابىلادى.  Microsoft-تىڭ ونىمدەرى مەن قىزمەتتەرىنىڭ قورجىنىنا ۇستەلدىك جانە جەلىلىك وپەراسيالىق جۇيەلەر، قۇرىلعىلار (Xbox 360، Xbox One، Kinect، Surface جانە ت.ب.)، سەرۆەرلىك قوسىمشالار، ۇستەلگە ارنالعان بيزنەس-قوسىمشالار جانە اقىرعى تۇتىنۋشىلارعا ارنالعان كەڭسەلىك قوسىمشالار، بۇلتتىق شەشىمدەر، ينتەراكتيۆتىك باعدارلامالار، قىزمەتتەر مەن ويىندار، ينتەرنەتتە جۇمىس جاساۋعا ارنالعان قۇرالدار، ازىرلەمە قۇرالدارى جانە تاعى دا باسقا شەشىمدەر كىرەدى.  Microsoft كومپانياسى قازاقستان اۋماعىندا 2002 جىلدان باستاپ قىزمەت جاسايدى.