كانن كينوفەستيۆالىنە ءادىلحان ەرجانوۆتىڭ "ۇكىلى كامشات" ءفيلمى بايقاۋعا تۇسپەك.
67ء-شى حالىقارالىق دودا بۇگىننەن باستاپ، 25 مامىرعا دەيىن جالعاسادى. ال، وتاندىق تۋىندى ەكى وتباسىنىڭ وقيعاسىن باياندايدى. جانر بويىنشا، بۇل فيلم دراماعا جاتادى. ءبىراق، كينو سىنشىلار "قارا كومەديا" دەپ اتاپ كەتىپتى.
«بۇل ءفيلمدى ءبىز وتكەن جىلدىڭ جاز ايىندا الماتى وبلىسىندا تۇسىرگەنبىز. تۋىندىنى تۇسىرۋگە نەبارى 2 اي ۋاقىت جۇمسادىق. ال، كانن كينوفەستيۆالىنە ۇمىتكەرلەردىڭ ەسىمى 17 ساۋىردە انىقتالعان. ءبىراق، اي سوڭىندا دودادان تىس فيلمدەردىڭ ءتىزىمى دە بەلگىلى بولدى. سونىڭ ىشىندە مەن تۇسىرگەن تۋىندىنىڭ بولعانى قۋانتادى»، - دەدى "ۇكىلى كامشات" ءفيلمىنىڭ رەجيسسەرى ءادىلحان ەرجانوۆ.
بيىل نەگىزگى جۇلدە - "التىن پالما بۇتاعى". ول ءۇشىن بايقاۋدا 18 ءفيلمنىڭ باعى سىنالادى. كينوفورۋمنىڭ ءوزى باستى رولدە نيكول كيدمان ويناعان "موناكولىق گرەيس" تۋىندىسىمەن تۇرىلمەك. سونداي-اق، وتانداسىمىز مارعۇلان قاپاشيەۆتىڭ "ەركىن قۇستار" قىسقامەتراجدى ءفيلمى بيىلعى "Short Film Corner" باعدارلاماسى اياسىندا كورسەتىلەتىن بولادى.
