«اڭىز ادامداعى» گيتلەردىڭ داۋى ءالى ءورشىپ تۇر. وسىدان الدەكىمدەر ساياسات جاساماقشى...
    گيتلەردىڭ اڭىز ادام ەكەنى راس، ال جارىلقاپ قالىباي ناعىز ۇلتشىل!
يا، جارىلقاپ قالىباي ناعىز ۇلتشىل! ۇلتجاندى ەمەس، ۇلتشىل جانە وسىنداي ۇلتشىلدار ناق وسى كەزدە بىزگە كەرەك. ءبىزدىڭ اتا-بابالارىمىزدى دا وتكەن عاسىردىڭ 30 جىلدارى ۇلتشىلدار دەپ اتىپ تاستادى ەمەس پە.  ولار ناعىز ۇلتى ءۇشىن باسىن بايگەگە تىككەن ۇلتشىلدار بولعانى راس! ولاردى نەگە اتىپ تاستادى؟ويتكەنى ولار، ءوز ۇلتى ءۇشىن وتقا تۇسەتىن ادامدار - قىزىل يمپەريا ءۇشىن اسا ءقاۋىپتى بولدى. سوندىقتان دا ولاردان تەزدەتىپ قۇتىلۋ كەرەك بولدى. 
ال، ەندى جارىلقاپ قالىبايدىڭ دا باسىنداعى جاعداي وسىعان ۇقساپ كەلە جاتىر. ۇلتتىڭ ءسوزىن سويلەۋ، ۇلتى ءۇشىن كۇرەسۋ ەكىنىڭ ءبىرىنىڭ قولىنان كەلە بەرمەيدى، ەكىنىڭ بىرىنە بۇيىرا بەرمەيتىن ب ا ق. سوندىقتان، جارايسىڭ جارىلقاپ، وسى باعىتىڭنان تايما، العا! ال جارىلقاپتى جاۋاپقا تارتامىز دەپ جۇرگەندەردىڭ ءوزىن جاۋاپقا تارتۋ كەرەك. ماسەلەنىڭ بايىبىنا بارماي، جالا جاپقانى ءۇشىن! 
«اڭىز ادام»، «جۇلدىزدار وتباسى» جۋرنالدارىن شىققالى بەرى ۇزبەي جازدىرىپ الىپ، وتباسىمىزبەن وقيمىز. بۇل باسىلىمدار ناعىز قازاقى، ۇلتتىق بولمىستاعى باسىلىم. بۇل باسىلىمدار حالىققا ۋنيۆەرسيتەتتەردىڭ بەرە المايتىن ءبىلىمىن بەرىپ كەلەدى. بۇل باسىلىمدى وقىعان سايىن وقىرماننىڭ دۇنيەتانىمى، ءبىلىم كوكجيەگى كەڭەيىپ، كوكىرەك كوزى اشىلادى. سوندىقتان اتالعان باسىلىمداردى جابۋعا ەشقاشان جول بەرۋگە بولمايدى!
ال ەندى داۋدىڭ تاقىرىبى گيتلەرگە كەلەتىن بولساق، گيتلەردىڭ اڭىز ادام ەكەنى راس. بۇل جەردە ماسەلەگە جان-جاقتى قاراۋ كەرەك. سونشاما حالىقتى سوڭىنان ەرتە ءبىلۋ، ءوزىنىڭ بولاشاق ماقساتتارىنا سەندىرۋ - اسا قابىلەتتى ادامنىڭ عانا قولىنان كەلەدى. سوندىقتان گيتلەر دە تەگىن ادام ەمەس. ەگەر گيتلەر بويىنداعى قاجىر-قايراتىن، كەرەمەت قابىلەتىن نەمىس حالقىنىڭ جارقىن بولاشاعى ءۇشىن جۇمساعاندا ول ءسوز جوق ۇلكەن تابىستارعا جەتەر ەدى. وسى تۇرعىدان كەلگەندە دە گيتلەردى اڭىز ادام دەۋگە بولادى. 
ال جاۋىزدىعىنا كەلسەك ءسوز باسقا، ول ناعىز قانىشەر، قانشاما ادامنىڭ تۇبىنە جەتتى. قازاقتى قىناداي قىرعان گولوششەكين دە جاۋىز. بۇلار وزدەرىنىڭ جاۋىزدىعىمەن تاريحتا اڭىز ادام بولىپ قالعان جوق پا؟! جۋرنال گيتلەردىڭ جاۋىزدىعىن ناسيحاتتاعان جوق قوي، كەرىسىنشە گيتلەردىڭ جۇرگىزگەن ساياساتىنىڭ ادامزات قوعامى ءۇشىن اسا قاۋىپتىلىگىن كورسەتتى، ەسكەرتتى. ونىڭ جاۋىزدىعىنان، تۇتاس ءبىر حالىقتى ارانداتىپ، ورعا جىققان ارەكەتىنەن بولاشاقتا ساباق الۋ ءۇشىن جازىپ وتىر. ونى جارىلقاپ قالىباي جۋرنالدىڭ ءبىرىنشى بەتىندە تۇسىنىكتى تىلمەن جازدى عوي. سوندا الگى بايبالامشىل، جۋرناليست-سىماقتار، ساياساتشى-سىماقتار تەرىس جاعىنان، اياعىنان باستاپ وقيتىن بولعانى ما؟ ەگەر باسىنان باستاپ وقىسا جارىلقاپ قالىبايدىڭ ەسكەرتۋىن كورگەن بولار ەدى عوي...

ءسوزدىڭ ءتۇيىنى ماسەلەنىڭ بايىبىنا بارماي ويبايلاپ، اتتان سالۋ توپاستىق، ناداندىق، كورسوقىرلىق دەپ بىلەمىن. ءبىز وسى ەكى باسىلىم، «اڭىز ادام»، «جۇلدىزدار وتباسى» جۋرنالدارى ءۇشىن كۇرەسۋگە دايىنبىز!

فەيسبۋك پاراقشاسىنان