ءبىلىم جانە عىلىم مينيسترلىگىنىڭ ءبىرىڭعاي مەكتەپ فورماسىن ساقتاۋ جونىندەگى بۇيرىعى بويىنشا وسى جىلدىڭ قاڭتار ايىنان باستاپ ورتا ءبىلىم وردالارىنداعى كيىم ۇلگىسىنە وزگەرىستەر ەنگىزىلدى دەپ حابارلايدى، Qamshy.kz 24.kz- كە سىلتەمە جاساپ.

تالاپ بويىنشا وقۋشىلاردىڭ بارلىعى بىردەي كيىنۋى ءتيىس. سونىمەن قاتار كيىم كيۋ ۇلگىسىندە ءدىني اتريبۋتتارعا جول بەرىلمەيتىندىگى انىق كورسەتىلگەن. بۇل تالاپتار ەلىمىزدىڭ ايماقتارىندا قالاي جۇزەگە اسىرىلىپ جاتىر؟

اتىراۋ وبلىسىنداعى 192 مەكتەپتە 110 مىڭعا جۋىق وقۋشى ءبىلىم الىپ جاتىر. مينيسترلىك تاراپىنان ەنگىزىلگەن جاڭالىقتار وتكەن وقۋ جىلىنان باستاپ قولدانىسقا ەنگىزىلگەن بولاتىن. مەكتەپتەردەگى كيىم ۇلگىسىن ساقتاۋ جونىندەگى ەرەجەلەر مەن تالاپتار الدىمەن وبلىس ورتالىعىنان باستالدى.

"بارلىق مەكتەپتە دە فورما ساقتاۋ ماسەلەسى قوزعالىپ، اتا-انالار مەن باسقا زاڭ قىزمەتكەرلەرىمەن دە، تەولوگتارمەن دە وتە قارقىندى جۇمىستامىز. قوعامداعى ەڭ قىمبات نارسە ادام بولسا، ونىڭ ءومىرى بولسا، ۇرپاقتاردى ءبىلىمدى دە سانالى، پاتريوتتىق سەزىممەن تاربيەلەۋ مەكتەپتەردىڭ مىندەتى دەپ ەسەپتەيمىز"، - دەيدى №2 ورتا مەكتەپتىڭ ديرەكتورى ۆەرا ميدەنوۆا.

"ءبىرىڭعاي مەكتەپ فورماسى جالپى قازىرگى قوعامدا ورتاق تالاپ قانا ەمەس، ونىڭ الەۋمەتتىك ءمانى دە بار. ويتكەنى وقۋشىلاردىڭ ءارتۇرلى كيىنۋى ءوز ورتاسىندا الەۋمەتتىك تەڭسىزدىك قالىپتاستىرىپ، ساپالى ءبىلىم الۋىنا قولايسىزدىقتار تۋعىزادى"، - دەيدى پسيحولوگ ماماندار.

"بۇل جەردە كوپشىلىگىنە بالانىڭ قالىپتاسۋىنا كەدەرگى بولادى. ەگەر مەكتەپ اياسىندا حيدجاب كيەتىن بولسا، باسقالاردان وزگەشە كورىنگىسى كەلەتىن بولسا، وندا ءبىرىنشى شەكارا بۇزىلادى. ەگەر ءبىز زاڭعا باعىنا المايتىن بولساق، ەرەجەگە باعىنبايتىن بولساق، ءبىز دۇرىس ۇرپاق تاربيەلەي المايمىز"، - دەيدى پسيحولوگ ليمانا قويشييەۆا.

جالپى اتىراۋ وبلىسى بويىنشا مەكتەپ فورماسىن ءبىرىڭعاي ۇلگىگە كوشىرۋ ءىسى 2010-2012 جىلدارى باستالعان بولاتىن. ارينە، ءار مەكتەپتىڭ جەكە جارعىسى بويىنشا اتا-انالاردىڭ كەلىسىمىمەن جۇزەگە استى. ال مينيسترلىكتىڭ تالابىنان كەيىن بارشاعا ورتاق ەرەجە مۇنايلى ولكەدەگى ورتا ءبىلىم وردالارىنىڭ بارلىعىنا ەنگىزىلىپ جاتىر.

«ازىرگە بۇل تۇرعىدا اتا-انالار مەن مەكتەپ باسشىلىعى اراسىندا قانداي دا ءبىر كەلىسپەۋشىلىكتەر بولعان ەمەس»، - دەيدى ماماندار.