قازاقستاندىق Facebook  جەلىسىندە جاڭا "اعىم"  بايقالدى. قوعام بەلسەندىلەرى، جۋرناليستەر،  ساياساتانۋشىلار  جانە  باسقا دا  فب قولدانۋشىلارى مەديسينالىق بەتپەردەمەن تۇسكەن  سۋرەتتەرىن، ياعني قازىرگىنىڭ تىلىمەن ايتقاندا "سەلفيلەرىن" جەلىلەرگە جاريالاۋدى  باستادى. مۇنداي ارەكەت ارقىلى  ولار قازاقستاننىڭ ەۋرازيالىق ەكونوميكالىق وداققا كىرۋگە  قارسى ەكەنىن بىلدىرگىلەرى  كەلەدى.   ەۋرازيالىق وداق قۇرۋ تۋرالى قۇجاتقا قول  قوياتىن كۇن  جاقىنداپ  قالدى. وسىعان بايلانىستى  قوعامدىق نارازىلىق شاراسىنىڭ ءبىر كورىنىسى بولسا كەرەك. 

بۇل  تۋرالى زاڭگەر  ماقسات ءىلياس ۇلى: "ماسكا" كيۋ شاراسىنا باسىندا سىن كوزبەن قاراعانىم راس. ارتىنان بايقاپ قاراسام، بۇل شارا ءبىر ادامدارعا، بەلگىلى ءبىر كۇشتەرگە قاتتى ۇناماي وتىرعان سياقتى، ءتىپتى الدەكىمدەردىڭ شىمبايىنا باتقان سياقتى.  سوندىقتان، بۇل دا قوعامدىق كوزقاراستى ءبىلدىرۋدىڭ ءبىر جولى رەتىندە مەن دە ءوز ۇلەسىمدى قوسايىن دەپ شەشتىم جانە كوپ ماسكا ساتىپ الدىم. ەندى ونى قالاعان ادامعا تەگىن تاراتامىن، دەپ جازادى ءوز پاراقشاسىندا. 

بەتپەردە تاققانداردىڭ  قاتارىندا "ار.رۋح.حاق" قوعامدىق قورىنىڭ پرەزيدەنتى باقىتجان تورەعوجينا،  فب قولدانۋشىسى ميراس ەسەنعابىل، جاستار بەلسەندىسى  تازابەك سامبەتباي جانە  ت.ب.  بار.

سۋرەت  exclusive.kz  سايتىنان