ەلىمىزدىڭ جۋرناليستيكا فاكۋلتەتتەرىنە  ارنالعان وقۋ-تاجىريبەلىك "جۋرناليست" گازەتى ءال-فارابي اتىنداعى قازۇۋ،  جۋرناليستيكا فاكۋلتەتىنىڭ  KMlab زەرتحاناسىندا گازەتى قايتا شىعارالا باستادى. ءتۇرلى سەبەپتەرگە  بايلانىستى گازەتى جۇمىسى توقتاتىلعان بولاتىن. اراعا  جىلدار سالىپ، باسىلىم قايتا  جارىق كورۋدە. بۇل تۋرالى فاكۋلتەتتەگى  "ەلەكتروندى ب ا ق جانە مەرزىمدى باسىلىم" كافەدراسىنىڭ مەڭگەرۋشىسى، پروفەسسور گۇلميرا سۇلتانبايەۆا facebook پاراقشاسىندا  حابارلادى. 

   كافەدرا مەڭگەرۋشىسى گازەتتىڭ تاريحى تۋرالى: "جالپى، "جۋرناليست" گازەتى ستۋدەنتتەردىڭ شىعارماشىلىق العاشقى زەرتحاناسى ەكەنى داۋسىز. بۇل گازەتتىڭ تاريحى تەرەڭدە. سوناۋ 40-جىلدارى گازەت قولمەن جازىلىپ، قابىرعا گازەتى فورماتىندا جاريالاندى. كەيىن ۋاقىت وتە "كليشەدە" تەرىلىپ، باسىلدى. بۇل گازەتتە ت. اماندوسوۆ، ق. بەكحوجين، ت. قوجاكەيەۆ، م. بارمانقۇلوۆ، ن. وماشيەۆ، س. قوزىبايەۆ، ب. جاقىپ سياقتى ۇستاز-باسشىلاردىڭ قولتاڭباسى قالعان. 90 جىلدارى مارقۇم سەرىك ابدراحمانوۆ اعانىڭ اسسيستەنتى بولا ءجۇرىپ، كوميۋتەردە ۆەرستكالاپ شىعاردىق. تالاي دارىندى شاكىرتتەرىمىزدىڭ العاشقى ماقالا، زامەتكا، ولەڭدەرى، فوتوكوللاجدارى وسىندا جارىق كوردى. ءنازيرا بەردالىنىڭ ولەڭدەرىن ءجيى جاريالاپ وتىراتىنبىز. جۇلدىز ءابىلدانىڭ ماقالالارى دا ءجيى جارق ەتەتىن" دەپ   ەسكە  الدى.

اراعا  جىلدار سالىپ، قايتا  جاڭعىرعان "جۋرناليست" گازەتىنىڭ  وزىندىك ەرەكشەلىكتەرىنە  دە  توقتالىپ ءوتتى:  "ارادا ءبىرشاما جىلدار وتكەندە گازەتىمىزگە قولداۋ كورسەتىپ، زاماناۋي وزىق تەحنولوگيادا - ينتەللەكتۋالدى ماشينادا باسىلىپ، كوبەيتىلىپ، بۇكتەلىپ، قىستىرعىشپەن تىستەلىپ شىققان العاشقى گازەتتى 19 مامىردا كوپشىلىك الدىندا شىعارامىز. كونيكا مينولتا كومپانياسى ەلدار، اسقار، يللياريون سياقتى توپ-مەنەدجەرلەرىنە، سونداي-اق قازۇۋ-دەگى سانداعان ۇيىمداستىرۋ، جەتكىزۋ، اتقارۋ جۇمىستارىن اسا ەپتىلىكپەن ۇيلەستىرگەن، باسقارعان كومپانيانىڭ PR - مەنەدجەرى ماليكاعا اعارتۋشىلىق ماقساتتا ماتەريالدىق كومەك كورسەتكەندەرى ءۇشىن العىسىمىز ەرەكشە" دەپ  تۇيىندەدى  ءوز ءسوزىن.

قوعامدىق ويدىڭ ۇيىتقىسى - جۋرناليست كادرلاردى دايىنداۋدا ءدال وسىنداي كاسيبي-تاجىريبەلىك باسىلىمنىڭ ماڭىزى زور. سوندىقتان، بولاشاق جۋرناليستەر وقۋ  ورداسى  قابىرعاسىندا  ءجۇرىپ، قالامىن ۇشتاۋعا، تاجىريبە جيناۋعا  مول مۇمكىندىك  تۋدى.