كۇز-قىس 2016-2017. ءساندى اياق كيىمدەر

سۋىق مەزگىل باستالماي جاتىپ جىلى كيىمدەرىمىزدى تولىقتىرا باستايمىز. سونىمەن قاتار، تاڭداعان كيىمدەرىمىز ءارى جىلى، ءارى ءساندى بولۋى كەرەكتىگىن ۇمىتپاعانىڭىز ءجون. ال جاڭا كۇز-قىس 2016-2017 ماۋىسىمىندا قانداي اياق كيىمدەر ساندە بولادى؟ ولاردىڭ تۇرلەرى قانداي؟ بۇل سۇراقتاردىڭ جاۋابىن تومەننەن تابا الاسىز. ەندەشە،پايدالى اقپاراتقا نازار سالىڭىز!

بۇگىنگى ءسان الەمىندەگى جاڭالىقتار بىر-بىرىنەن ەرەكشەلىلىگىمەن، وزگەشەلىلىگىمەن ەرەكشەلەنەدى. ولاردىڭ فاسونى، ەلەمەنتى، ءتۇسى جانە ت.ب. سياقتى ەرەكشەلىكتەرى تاڭ قالدىرماي قويمايدى.

قۇرالاتىن ەڭ باستى ەلەمەنت:

1. تابانى

2. باسى

3. پاليترا

4. بەينەلەۋىش ەلەمەنتتەر

5. فاسون

بوتفورت كۇز-قىس 2016-2017

بوتفورتتار تاعى دا ساندە. ديزاينەرلەر اياق كيىمنىڭ كۇندەلىكتى كيىپ جۇرۋگە ىڭعايلى بولۋىن بارىنشا نازاردا ۇستادى. Balmain برەندىنىڭ زامشتان جاسالعان ۇزىن ەتىگىن ءقايسىبىر ارۋ قالامايدى؟ نازىك وكشە، سانىمەن ۇيلەسكەن ىڭعايلىلىعى، جىلۋلىعى ءبىر بولەك تاقىرىپ. وسىنىڭ ءبارى ءبىر عانا بوتفورتتا ۇيلەسكەن.باسا نازاردى ەتىكتىڭ تۇسىنە بولگەن ءجون. ادام تۇستەس، اقشىل سارى تۇستەر جاڭبىرلى، لاي باتپاق اۋا-رايىنا قولايلى بولماۋى مۇمكىن. ءبىراق كۇننىڭ نۇرى توگىپ تۇرعان، اشىق اۋا-رايىندا ءسىزدىڭ وبرازىڭىزدى تولىقتىرىپ تۇراتىنى انىق. ءساندى بوتفورتتاردى Altuzarra، Fendi، Givenchy، RickOwens، Vetements سياقتى ماركالادان تابا الاسىز.

شولاق ەتىكتەر.

شولاق ەتىكتەر مۇلدە ساننەن شىققان ەمەس. تەك ولاردىڭ ءارى قاراي جاندانىپ، ءتۇرلى فورمالاردا، وزگەشە ساندە شىعىپ جاتقانىن ايتا كەتكەن ءجون بولار. وسى جولعى ماۋسىمدا شولاق ەتىكتەردىڭ ءارتۇرلى ءتۇرى ساندە: ەرەكشە فورمالار ۇلگىسىندە، پرينتتەر مەن فاكتۋرا، ءتۇرلى-تۇستى اشىق تۇستەگى فاسوندار جانە ت.ب. وسىنداي ەرەكشە اياق كيىمدەردى Chanel،Chloe، Coach، MarcJacobs، Mulberry، NinaRicci سىندى ماركالار ءوز كورسەتىلىمدەرىندە ۇسىندى.

شۇلىق-ەتىك.

كۇز- قىس ماۋسىمىنداعى باستى ترەندى- شۇلىق تارىزدەس ەتىكتەر. بۇل ۇلگى بارشا ايەل قاۋىمىنىڭ جۇرەگىن جاۋلاپ الدى دەسە دە بولادى. ءدال سول سەبەپتەن اتاقتى ديزاينەرلەر وزدەرىنىڭ كوللەكسيالارىندا وسى اياق كيىم ۇلگىسىنىڭ جاڭا، ەرەكشە ءتۇرىن كىرگىزۋگە بەلسەندى جۇمىس اتقارىپ جاتىر. ارتىق ەشبىر ەلەمەنتى جوق، تارتىمدى زامشتان جاسالعان تياناقتى ەتىكتەر ءساندى، ادەمى، ءارى وبرازدى تولىقتىرىپ وتىراتىن بۇل ەتىكتىڭ ءتۇرى وسى ماۋسىمنىڭ باستى ترەندى.

ەڭ باستى تۇستەر

تۇنەرىڭكى كۇرەڭ كۇزدە جانە سۋىق قىس مەزگىلىندە كوڭىلدىقۋانتىپ، تاماشا كوڭىل-كۇي سىيلايتىن، كوزگە بىردەن تۇسەتىن اشىق تۇستەردى تاڭداعان ءجون. ولاردىڭ قاتارىنا:

• * اسپان كوك؛
• * كۇلگىن؛
• * قىزىل سارى؛
• * سارى.

ءساندى ەلەمەنتتەر

كۇز قىس مەزگىلىندە اياق كيىمنىڭ باستى ەلەمەنتتەرىنە مىنالار جاتادى:

• القا مەن باۋ؛
• شنۋر؛
• تەرى

ماتەريال Ikerim.kz سايتىنان الىندى