استانا قالاسى اكىمىنىڭ باسپا ءسوز قىزمەتىنىڭ مالىمدەمەسىنە سايكەس استانا قالاسىنىڭ اكىمى اسەت يسەكەشيەۆ ەلوردالىق ءۇش اۋداننىڭ اكتيۆىنە جاڭا اكىمدەردى تانىستىردى دەپ حابارلايدى qamshy.kz. بۇگىن ولاردىڭ كانديداتۋرالارىن قالالىق ءماسليحات دەپۋتاتتارى ءبىراۋىزدان بەكىتكەن بولاتىن.
«ەسىل» اۋدانىنىڭ اكىمى بولىپ بولەكپايەۆ ەرماعانبەت قابدۋل ۇلى تاعايىندالدى.
«الماتى» اۋدانىنىڭ اكىمى بولىپ سارسەمبايەۆ ادىلبەك زەينۋللا ۇلى تاعايىندالدى.
«سارىارقا» اۋدانىنىڭ اكىمى بولىپ تۇرلىبەك ارمان الاش ۇلى تاعايىندالدى.
*****
سارسەمبايەۆ ءا.ز. 1978 ج. 25 تامىزىندا سەلينوگراد ق. تۋعان. ءبىلىمى جوعارى، زاڭگەرلىك، ەكونوميكالىق. ساياسي عىلىمدار كانديداتى. ەڭبەك جولىن 1996 جىلى ق ر قم سالىق ينسپەكسياسىندا باستاعان.
2000-2006 جج. استانا ق. اكىمدىگىنىڭ جۇيەسىندە ءتۇرلى قىزمەتتەر اتقارعان.
2006-2007 جج. ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ باس ينسپەكتورى.
2007-2009 جج. پەتروپاۆل قالاسى اكىمىنىڭ ءبىرىنشى ورىنباسارى، سولتۇستىك قازاقستان وبلىسى اكىمى اپپاراتىنىڭ باسشىسى.
2015 جىلدىڭ مامىرىنان «استانا ق. تابيعات رەسۋرستارىن جانە تابيعات پايدالانۋدى رەتتەۋ باسقارماسى» مم باسشىسى.
«ا» كورپۋسىنىڭ كادرلىق رەزەرۆىنە ەنگىزىلگەن.
بولەكپايەۆ ە.ك.1975 جىلدىڭ 2 قىرقۇيەگىندە تۋعان، قاراعاندى وبلىسىنىڭ تۋماسى، ءبىلىمى جوعارى ەكونوميكالىق، زاڭگەرلىك. ەڭبەك جولىن 1996 جىلى بانك سالاسىندا باستاعان.
1998-2009 جىلدارى ق ر ورتالىق جانە جەرگىلىكتى مەملەكەتتىك ورگانداردا جاۋاپتى قىزمەتتەر اتقارعان.
2009 - 2013 جىلدارى ق ر مەملەكەتتىك قىزمەت ىستەرى اگەنتتىگىنىڭ قاراعاندى وبلىسى بويىنشا، وڭتۇستىك قازاقستان وبلىسى بويىنشا جانە استانا قالاسى بويىنشا اۋماقتىق باسقارماسىنىڭ باستىعى.
2013 جىلدىڭ شىلدەسىنەن 2015 جىلدىڭ قاراشاسىنا دەيىن استانا ق. «سارىارقا» اۋدانىنىڭ اكىمى. 2015 جىلدىڭ قاراشاسىنان استانا ق. «الماتى» اۋدانىنىڭ اكىمى.
تۇرلىبەك ا.ا. 1971 جىلدىڭ 6 مامىرىندا تۋعان، قاراعاندى وبلىسىنىڭ تۋماسى، ءبىلىمى جوعارى ەكونوميكالىق، تەحنيكالىق. ەڭبەك جولىن 1993 جىلى بيزنەس سالاسىندا باستاعان. 1999 جىلدان بەرى قاراعاندى وبلىسى اكىمدىگىنىڭ جۇيەسىندە جۇمىس ىستەگەن: ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى، ساتپايەۆ ق. اكىمى، وبلىس اكىمىنىڭ ورىنباسارى. 2010 جىلدان ق ر ينۆەستيسيالار جانە دامۋ مينيسترلىگىندە جاۋاپتى قىزمەتتەر اتقارعان.
