بۇگىن  ساعات 16.00-دە قازاقستان جازۋشىلار وداعىنىڭ ادەبيەتشىلەر ۇيىندە قازاقتىڭ كلاسسيك اقىنى، جايىردىڭ جالعىزى، الاشتىڭ ايبوزى جاركەن بودەش ۇلىنىڭ 70 جىلدىق مەرەيتويىنا بايلانىستى شىعارماشىلىق كەشى وتەدى. بۇل تۋرالى اقىن ءتوقتارالى  تاڭجارىق facebook پاراقشاسىندا  مالىمدەدى. 

 شىعارماشىلىق كەشى  "ارعى تاۋعا -  اسۋمىن، بەرگى تاۋعا -  بەلەسپىن" دەپ اتالادى. جىر كەشىنە اقىننىڭ قالامداس دوستارى  مەن  انشىلەر  قاتىسادى. قىتايداعى قانداستارىمىز "بودەشتىڭ بولتىرىگى - 70-تە" دەپ دۋىلداسىپ جاتىر دەسەدى.

   جاركەن بودەش ۇلى 1944 جىلى 15 مامىر دا تۋعان. ءقازمۋ-دىڭ جۋرناليستيكا فاكۋلتەتىن بىتىرگەن. حالىقارالىق «الاش» ادەبي سىيلىعىنىڭ جانە تۇركى تىلدەر ەلدەرى پوەزياسى ءىى فەستيۆالىنىڭ لاۋرەاتى. ق.ساتبايەۆتىڭ 150 جىلدىق مەرەيتويىنا ارنالعان حالىقارالىق ءمۇشايرانىڭ باس جۇلدەگەرى. دۇنيەجۇزى قازاقتارىنىڭ قاۋىمداستىعىندا ءبولىم مەڭگەرۋشىسى بولعان. ءقازىر قازاقستان جازۋشىلار وداعى باسقارماسىنىڭ ادەبي كەڭەسشىسى. مەرزىمدىك باسىلىمداردا جانە مەملەكەتتىك كىتاپ پالاتاسىندا جاۋاپتى قىزمەتتەر اتقارعان. ونعا  تارتا  جىر جيناقتارىنىڭ اۆتورى، ءار ءتۇرلى  باسىلىمداردا  اقىننىڭ «اڭىراقاي بەكەتىندەگى وي»، «قاراۋىل توبە»، «گەنەرال جاھار دۋدايەۆ»، «وت پەن سۋ» («سوروس— قازاقستان» قورىنىڭ جۇلدەسى بەرىلگەن)، «تاس بەسىك»، «بوستاندىقتىڭ باسى»، «شەر»، «جالعىز» اتتى داستاندارى جاريالاندى.

 جايىرتاۋدىڭ جالعىزىنىڭ جىر كەشىنەن قاپى قالماڭىز، جىر سۇيەر قاۋىم!

(مالىمەتتەر wikipedia سايتىنان الىندى)