قازاقستاننىڭ شەكارا قىزمەتى قاراشا ايىندا Sukhoi Super Jet 100 VIP ۇشاعىن ساتىپ الماقشى دەپ حابارلايدى  Qamshy.kz NUR.KZ پورتالىنا  سىلتەمە جاساپ.

بۇل تۋرالى جۋرناليستەرگە بىرىككەن اۆياقۇراستىرۋ كورپوراسياسىنىڭ ازاماتتىق اۆياسيا ۆيسە-پرەزيدەنتى ۆلاديسلاۆ ماسالوۆ مالىمدەدى.

"قازاقستانعا VIP-نۇسقاداعى SSJ-100 ۇشاعى الىناتىنى راس پا" دەگەن ءجۋرناليستىڭ ساۋالىنا ول "ءيا" دەگەن جاۋاپ قاتقان.

ماسلوۆتىڭ ايتۋىنشا، ونداي ۇشاقتىڭ تەك ءبىر داناسى عانا قازاقستاننىڭ شەكارا قىزمەتى مۇددەسى ءۇشىن الىناتىن بولادى. ۇشاق جوسپار بويىنشا قاراشا ايىنىڭ سوڭىندا الىنادى.

بۇگىندە رەسەي تارابى اتالمىش SSJ-100 VIP ۇشاعىنىڭ ءۇش داناسىنا تاپسىرىس بەرگەن. تاعى ەكى ۇشاقتى تايلاند اۋە كۇشتەرى سۇراتىپ وتىر.

ايتا كەتەرلىگى، قاراپايىم SSJ-100 ۇشاعى شامامەن $34 ملن تۇرادى، ال VIP-نۇسقاسىنىڭ قۇنى تاپسىرىس بەرۋشىلەردىڭ تالعامىنا وراي ەسەلەنە تۇسەدى.