ءساندى سىرت كيىمدەر ايەلدەر ءۇشىن ەڭ ماڭىزدى ەلەمەنت بولىپ تابىلادى. كۇز بەن قىس — پالتو، تون، پلاششتاردىڭ ماۋسىمى. كۇن سۋىتىپ، قار تۇسكەن سالقىن مەزگىل جاقىنداعاندىقتان جاڭا ماۋسىمنىڭ جاپ-جاڭا ترەندتەرىن سىزدەرگە ۇسىنۋدى ءجون كوردىك!

ءساندى كەيپ. پونچو ستيلىندەگى پالتو، پلاشش، جامىلعىشتار – ەسكى ءداستۇردى زاماناۋي ۇلگىدە جاڭارتاتىن سىرت كيىمنىڭ ءبىر ءتۇرى بولىپ تابىلادى. سونىمەن قاتار كەيپتەر پىشىنىڭىزدەگى كەمشىلىكتەرى جاسىرىپ، ونى كەرىسىنشە ادەمى ەتىپ كورسەتەدى.

حالات تارىزدەس پالتو. كيمونو ديزاينەرلەردى ءساندى حالات، كويلەك تارىزدەس قاتپارلى سىرت كيىمدەردى شىعارۋعا شابىت بەردى. سوندىقتان تۇيمە، بەلدىك، ىلگەك سيقتى ەلەمەنتتەر وسى ماۋسىمداعى پالتولاردىڭ ودان ءارى ساندىرەك كورىنەتىنىنە ۇلەسىن قوسادى.

اشىق تۇستەگى توندار. سالقىن مەزگىلدەگى قالىپتى بولىپ قالعان سۇر تۇستەردەن ايرىلۋدىڭ ءبىر ءتۇرى. ەگەر كوڭىلىڭىزدىڭ كوتەرىلىپ جۇرگەنىن قالاساڭىز سىرت كەلبەتىڭىزدەن باستاڭىز.

ورنەكتەلگەن پالتولار. ەگەر ءبىرسارىندى تۇستەگى سىرت كيىمدى كيگىڭىز كەلمەسە، توپتا بىردەن كوزگە ءتۇسۋدى قالاساڭىز تومەندەگىدەي ەرەكشە فاسونداعى ورنەكتەلگەن، ءارتۇرلى قىزىقتى سۋرەتتەرمەن وزگەشەلەنگەن پالتولاردى تاڭداڭىز.

لاكتالعان پلاشش. ديزاينەرلەر كۇمىس جانە التىن تۇستەردى وسى ماۋسىمنىڭ باستى ترەندى دەپ تانىدى. ال ەگەر ءسىز قاراپايىم نۇسقانى قالاساڭىز لاك نەمەسە ۆينيل ماتەريالداردان قۇرالعان پالتونى تاڭداعانىڭىز ابزال.

حاكي تۇسىندەگى سىرت كيىمدەر. حاكي ءتۇسى بيىلعى جىلدىڭ باستى ترەندىنە اينالدى. بۇل تۇستە كويلەكتەر، بەلدەمشەلەر، كۇرتەلەردى تابا الاسىز.

ميليتاري ءستيلى. ميليتاري ءستيلى جىلدان جىلعا جاندانىپ، ءارتۇرلى فاسوندارعا يە بولىپ كەلە جاتىر. ميليتاري ستيلىنە كوبىنە امبەباپتىق ءتان.

كلاسسيكالىق ەلەگانتتى پالتو. پالتونىڭ كلاسسيكالىق بۇل ءتۇرى- ماڭگى ترەندتە. سەبەبى، بۇل سىرت كيىمدى سپورتتىق ۇلگى ءۇشىن دە، كەشكى كەزدەسۋگە دە كيىپ بارا الاسىز. ەڭ باستىسى قاراپايىمدىلىق پەن ساندىلىك ءبىر سارىنعا توعىسقان.

ترەنچ. ەسكى ترەنچ ءستيلى قايتا ورالعانىمەن، ونىڭ ناقتى ۇلگىسى زاماناۋي ۇلگىگە ەنىپ كەتكەندەي. جاڭا ترەنچتى تاڭداپ، جاڭا سانگە بوي بۇرىڭىز.

ماتەريال Ikerim.kz سايتىنان الىندى