سەمەيلىك ايەل ازاماتتىق نەكەدەگى كۇيەۋىن جالاڭاش قولىمەن مايىپ قىلعان.

بۇل تۋرالى وسكەمەن جاڭالىقتارى حابارلايدى.

38 جاستاعى ايەل مەن ونىڭ كۇيەۋى جىگىتتىڭ اناسىنىڭ ۇيىنە قوناققا كەلەدى. ازداپ ىشكەننەن كەيىن، جاتىپ قالعان. ال تاڭەرتەڭ اششى سۋدان ۇرتتاۋدى تاعى جالعاستىرادى. ەر ادام اۋلادا ورنالاسقان دارەتحاناعا شىعىپ كەتەدى. بىرنەشە مينۋتتان سوڭ ايەلى دە ىزىنەن شىعادى. سول كەزدە اعاش كۇركەنىڭ ىشىنەن ايەلدىڭ داۋىسىن ەستيدى.

ەسىكتى اشىپ قالعان كەزدە ايەل اڭىرىپ تۇرىپ قالعان: كۇيەۋى مەن كورشى ايەل قاتىناسقا ءتۇسىپ جاتادى. ايەل بۇل ەكەۋى كەزدەيسوق ەمەس، بۇرىننان كەزدەسىپ ءجۇر دەپ ويلاپ ۇلگەرەدى.

قاتتى شوشىنعان كۇيدە بولعان ايەل، كۇيەۋى اۋلاعا الىپ شىعىپ، قالاي ساباعانىن دا ونشا بىلمەيدى. ەر ادام قاشىپ قۇتىلىپ ۇيگە كىرگەنىمەن، ايەلى قۋىپ كەلىپ ونى ۇرۋدى جالعاستىرادى. ناتيجەسىندە زارداپ شەگۋشىنىڭ ىشكى ورگاندارى قاتتى زاقىمدانعان.

ەر ادام سوتقا جەتپەي قايتىس بولدى. الايدا ونىڭ ازاماتتىق نەكەدەگى ايەلى ەركەكتىڭ ولىمىنە ايىپتى رەتىندە تانىلماعان. سەمەي قالالىق №2 سوتى دەنەگە اۋىر جاراقات سالعانى ءۇشىن ايەلدى 3 جارىم جىلعا باس بوستاندىعىنان ايىردى. ۇكىم ءالى زاڭدى كۇشىنە ەنگەن جوق.