21-22 قازان 2016 جىلى انكارا مەن ىستامبۇلدا قازاقستان رەسپۋبليكاسىنىڭ توتەنشە جانە وكىلەتتى ەلشىسى جانسەيىت تۇيمەبايەۆتىڭ ديپلوماتيالىق ميسسياسىنىڭ اياقتالۋىنا وراي قابىلداۋ ءوتتى.

 اتالمىش شاراعا تۇركيا پرەمەر-مينيستر ورىنباسارى تۇعرىل تۇركەش، تۇركيا پرەزيدەنتى باسپا ءسوز حاتشىسى يبراھيم كالىن، تۇركيا ۇلى ۇلتتىق ءماجىلىسىنىڭ دەپۋتاتتارى حاليۋك يپەك، يسمايل سافي، ەكس-مينيستر نامىك كەمال زەيبەك، كەچيورەن مۋنيسيپاليتەتىنىڭ مەرى مۇستافا اك، قازاقستاننىڭ ەڭبەك ەرى ولجاس سۇلەيمەنوۆ جانە تاعى باسقا مەملەكەتتىك ۆەدومستۆالارىنىڭ وكىلدەرى، تۇركياداعى ديپلوماتيالىق مەكەمەلەردىڭ باسشىلارى مەن قىزمەتكەرلەرى، قازاق دياسپوراسى، بۇقارالىق اقپارات قۇرالدارى مەن كاسىپكەرلەر قاتىستى.

قابىلداۋ كەشىنە قاتىسقان لاۋازىمدى قوناقتاردىڭ الدىندا ءسوز العان جانسەيىت تۇيمەبايەۆ انكارادا ديپلوماتيالىق ميسسيانى اتقارعان كەزىندە قازاق-تۇرىك قارىم-قاتىناسىنىڭ كۇشەيۋىنە جانە دامۋىنا قوسقان زور ۇلەسى ءۇشىن تۇركيا پرەزيدەنتىنە، تۇركيا ۇكىمەتىنە، تۇركيا ۇلى ۇلتتىق ماجىلىسىنە جانە بۇكىل تۇرىك حالقىنا ريزاشىلىعى مەن العىسىن ءبىلدىردى. «سونداي-اق، مەنىڭ ديپلوماتيالىق قىزمەتتى اتقارعان كەزىمدە ءوزارا تۇسىنىستىكپەن جانە دوستىقپەن بىرگە جۇمىس ىستەگەن ديپلوماتيالىق مەكەمەلەرىنىڭ باسشىلارىنا، ارىپتەستەرىمە العىس ايتامىن،» – دەدى ج.تۇيمەبايەۆ. ەلباسى نۇرسۇلتان نازاربايەۆتىڭ تاۋەلسىزدىكتىڭ العاشقى كۇنىنەن باستاپ، تۇركيا اراسىنداعى قارىم-قاتىناسىنا بيىك دەڭگەيدە ءمان بەرىپ، دوستىق پەن باۋىرلاستىقتى نىعايتۋعا زور ۇلەس قوسىپ وتىرعاندىعىن اتاپ وتكەن ج.تۇيمەبايەۆ: «قارقىنمەن جالعاسىپ وتىرعان ەكىجاقتى بايلانىس قازاق-تۇرىك قارىم-قاتىناسىنىڭ بەلسەندى دامۋى ءۇشىن ەڭ جوعارى دەڭگەيدەگى مىعىم تۇعىرناما بولىپ تابىلادى،» – دەدى. سونداي-اق، جاڭا ەلشى تاعايىندالعاننان كەيىن تۇركيا ۇكىمەتىنىڭ قازاقستاننىڭ ەلشىلىگىنە قولداۋ كورسەتەتىندىگىنە سەنىم ءبىلدىردى. ءسوز سوڭىندا ج.تۇيمەبايەۆ باۋىرلاس تۇرىك حالقىنا قوناقجايلىلىق ءۇشىن العىس ايتىپ، تۇرىك ەلىنە جۇرەكجاردى تىلەكتەرىن جەتكىزدى.

شارادا ءسوز العان تۇركيا پرەمەر-مينيسترى ورىنباسارى تۇعرىل تۇركەش: «جانسەيىت قانسەيىتۇلىمەن تانىسقان كۇننەن باستاپ، باۋىرلاستىق بايلانىسىمىز بيىك دەڭگەيدە جالعاستى. ەكى ەلگە قاتىستى ماسەلەلەر بويىنشا ءجيى-جيى كەزدەسىپ وتىراتىنبىز. تامىرلاس قازاق حالقىنىڭ قۇندىلىقتارىن تانىتا وتىرىپ، باۋىرلاستىعىمىزدىڭ نىعايۋىنا ۇلكەن سەپتىگىن تيگىزدى. تۇركيا پرەمەر-مينيسترىنىڭ ارنايى سالەمىن جانە قۇتتىقتاۋ لەبىزىن وزىنە جەتكىزدىم. جاڭا قىزمەتىنە شىن جۇرەكتەن تابىس تىلەيمىز!» – دەدى. ال تۇركيا پرەزيدەنتىنىڭ ارنايى سالەمىن جانە قۇتتىقتاۋىن جەتكىزگەن تۇركيا پرەزيدەنتى يبراھيم كالىن ەلشى جانسەيىت تۇيمەبايەۆتى جاڭا قىزمەتكە تاعايىندالۋىمەن شىن جۇرەكتەن قۇتتىقتاپ: «جانسەيىت قانسەيىت ۇلى تۇركيادا قىزمەت ىستەگەن جىلدارىندا ەكى ەل اراسىنداعى ساياسي-ەكونوميكالىق، مادەني-گۋمانيتارلىق قارىم-قاتىناستىڭ دامۋىنا زور ۇلەس قوستى. بىرگە تىعىز بايلانىستا بولدىق. ارينە، تۇركى دۇنيەسىنىڭ ابىزى، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ءدال وسىنداي قابىلەت-قارىمى بار ەلشىنى تاعايىنداۋى كەزدەيسوقتىق ەمەس. ول – شىن مانىندە قازاق ەلىنە جانە ەلباسىعا ادال جان. ونىڭ جەتىستىگى تەك قانا ەكى ەل اراسىنداعى قارىم-قاتىناستى دامىتۋىندا ەمەس، اسىرەسە سوڭعى كەزدەردە ايماقتىق ماسەلەلەر بويىنشا بىرگە وتە تىعىز جۇمىس ىستەدىك. وسى مۇمكىندىكتى پايدالانا وتىرىپ، وزىنە شىن جۇرەكتەن ريزاشىلىعىمىزدى جەتكىزەمىز،» – دەپ العىس ايتتى.

تۇركيا پرەمەر-مينيستر ورىنباسارى تۇعرىل تۇركەش پەن تۇركيا پرەزيدەنتى باسپا ءسوز حاتشىسى يبراھيم كالىن تۇركيا ۇكىمەتى ۇيىندە ەلشى ج.تۇيمەبايەۆتى قابىلداپ، العىس حاتپەن ماراپاتتادى.

شارا بارىسىندا قازاقستاننىڭ تۇركياداعى ەلشىلىگىندە تۇرىك كاسىپكەرلەرگە ارنالعان «وڭتۇستىك قازاقستان وبلىسىنىڭ ينۆەستيسيالىق مۇمكىندىكتەرى» اتتى كونفەرەنسيا ءوتتى. كونفەرەنسيادا ەلشى ج.تۇيمەبايەۆ وڭتۇستىك قازاقستان وبلىسىنىڭ يۆەستيسيالىق مۇمكىندىكتەرى تۋرالى اقپارات بەرىپ، تۇركيانىڭ بەلدى-بەدەلدى كاسىپكەرلەرىمەن كەلىسسوزدەر جۇرگىزدى. جيىنعا قاتىسقان بيزنەس وكىلدەرى مەن ءوندىرىس سالاسىنىڭ بەلگىلى ينۆەستورلارى قازاقستانمەن بايلانىستى كۇشەيتەتىندىكتەرىن جەتكىزدى.