رەسمي ساپارمەن ساۋد ارابياسى كورولدىگىنە كەلگەن نۇرسۇلتان نازاربايەۆ مەدينا قالاسىندا  پروۆينسيا گۋبەرناتورى حانزادا فەيسال بەن سالمان ءال ساۋدپەن ەكىجاقتى كەزدەسۋ وتكىزدى، دەپ حابارلايدى "قامشى" پورتالى پرەزيدەنتتىڭ باسپا ءسوز قىزمەتىنە سىلتەمە جاساپ.

بۇدان بولەك، مەملەكەت باسشىسى مەدينا قالاسىنداعى مۇحاممەد پايعامبار مەشىتىنە بارىپ، ناماز وقىدى، سونداي-اق ماسدجيد ءان-ناباۋي مەشىتىنىڭ ساۋلەتىمەن جانە ينتەرەرىمەن تانىستى.

ودان كەيىن قازاقستان پرەزيدەنتى ساۋد ارابياسى كورولى سالمان بەن ابدەل ءال ساۋدپەن كەلىسسوزدەر ناتيجەسى بويىنشا ءبىرقاتار ەكىجاقتى قۇجاتتارعا قول قويۋ جوسپارلانىپ وتىرعان ەر رياد قالاسىنا كەلدى.

ساپار بارىسىندا ساۋد ارابياسى كورولدىگىنىڭ تاعى ءبىرقاتار رەسمي تۇلعالارىمەن جانە ىسكەر توپتارى وكىلدەرىمەن كەزدەسۋ وتكىزۋ قاراستىرىلعان.

ەستەرىڭىزگە سالساق، قازاقستان پرەزيدەنتىنىڭ ساۋد ارابياسىندا 24 جانە 25 قازاندا رەسمي ساپاردا بولاتىنى حابارلانعان بولاتىن.

بۇعان دەيىن، 21 قازاندا نازاربايەۆ باە ءابۋ-دابيدىڭ تاق مۇراگەرىمەن كەزدەسكەن ەدى. سونداي-اق، ساپار اياسىندا، اقوردا ەلباسىنىڭ قاسيەتتى مەككە جەرىنە العاشقى ساپارى تۋرالى قۇندى بەينە ماتەريالدى جاريالاعانىن حابارلاعان بولاتىنبىز.