اناسىنان سوققى كورگەن پاۆلودارداعى ءۇش جاسار قىز بالالار ۇيىنە وتكىزىلدى،- دەپ حابارلايدى Qamshy.kz Tengrinews.kz سايتىنا سىلتەمە جاساپ.

باسقارمانىڭ مالىمەتىنشە، بالاسىن سوققان ايەل ەكى بالانىڭ اناسى، ەڭ كىشىسى — 3 جاسار ايلين قاسىموۆا قالاداعى بالالار ۇيىنە ورنالاستىرىلعان، ال 8 جاستاعى اپكەسى ايعانىم اجەسى مەن اتاسىنىڭ قولىنا بەرىلىپتى.

ءبىلىم باسقارماسىنداعىلاردىڭ ايتۋىنشا، قىزدىڭ اكەسى ۆيدەودان ايەلىن تانىپ، 25-قازاندا پوليسيا بولىمىنە ارىز جازعان. ارىزىندا ول بۇرىنعى ايەلى نۇرگۇل دوكۋوۆاعا قاتىستى شارا قولدانۋدى سۇراعان. ەر ادام بۇرىنعى ايەلىنىڭ بالالاردى ۇرىپ-سوعۋ جاعدايى كوپ بولاتىنىن ايتقان.

ناقتىلانباعان مالىمەت بويىنشا، ايەلدىڭ بۇرىنعى كۇيەۋى بالانى ءوز قولىنا العىسى كەلەدى ەكەن.

ال بالاسىن اياۋسىز ۇرىپ-سوققان ايەل پاۆلودار مۇنايحيميا زاۋىتىندا وپەراتور بولىپ جۇمىس ىستەيدى.

ءوز بالاسىن ۇرىپ-سوعىپ، ۆيدەوعا تۇسىرگەن قاتىگەز اناعا قاتىستى ءىس قوزعالعانى بەلگىلى. ءبۇلدىرشىندى اناسىنىڭ اياۋسىز ۇرىپ-سوعۋى تۋرالى ۆيدەو Instagram الەۋمەتتىك جەلىسىندە جاريا بولعان ەدى. كادرلاردان ايەلدىڭ ءبۇلدىرشىندى ۆيدەوعا تۇسىرە وتىرىپ، بەتىنەن، باسىنان ۇرعانىن كورۋگە بولادى. كەيىن تاماعىنان قىسىپ، جىلاپ جاتقان بالانىڭ ءۇنىن وشىرگىسى كەلەدى. ايەل مۇنىسىمەن دە توقتاماي، ءبۇلدىرشىندى ۇرعىلاي بەرەدى. كادر سىرتىندا «ماما، توقتات!» دەگەن تاعى ءبىر قىزدىڭ داۋسى ەستىلەدى. قىز شەشەسىن توقتاتپاق بولادى، ءبىراق اناسى ونىڭ سوزىنە قۇلاق اسپايدى.

نۇپگۇل ۇلكەن قىزى ايعانىممەن

كەيىن پاۆلوداردا قىزدى ۇرىپ-سوققان ۆيدەونى تاراتۋشى وقيعانىڭ ءمان-جايىن ايتىپ بەرگەن ەدى.