ەكونوميكا جانە بيۋدجەتتى جوسپارلاۋ ۆيسە - ءمينيسترى ءمادينا ابىلكاسىموۆا ورالمانداردىڭ 76 پايىزىنىڭ جوعارى ءبىلىمى جوق، كوپشىلىگى مۇلدەم ساۋاتسىز، سوندىقتان قازاقستاننىڭ ەڭبەك نارىعى بىلىكسىز ماماندارمەن تولىعىپ جاتىر دەدى. "تاياقتىڭ ءبىر ۇشى" وزدەرىنە تيەتىنىن بىلمەيتىن، بۇل نەعىلعان ۆيسە-مينيستر؟ ويلانباي سويلەگەن دەگەن وسى! "كوشى قون تۋرالى" زاڭعا 2006 جىلى ەنگىزىلگەن وزگەرىسكە سايكەس ەلگە ورالىپ جاتقان قانداستارىمىز الدىمەن بەيىمدەۋ (اداپتاسيا)ورتالىقتارىندا ءتۇرلى پروسەدۋرالاردان ءوتۋى ءتيىس. ونىڭ ىشىندە ولاردى قاجەتتى كاسىپتەرگە بەيىمدەۋ، قايتا وقىتۋ دا بار . جانە دە مۇنىڭ بارلىعى تەگىن جۇرگىزىلۋى كەرەك. قازىرگى جاعدايدا ءمادينا حانىمنىڭ مينيسترلىگى اسىرەسە سولتۇستىك وبلىستارعا اسا قاجەتتى ماماندىقتارعا مونيتورينگ جاساپ، ورالمانداردى سوعان دايىنداۋعا قارجى ءبولۋi ءتيىس. ءمادينا حانىم يزرايلگە، گەرمانياعا، گرەسياعا كوشىپ بارعان ميگرانتتاردىن بارلىعى بىردەي ءبىلىمدى بولماعانىن ءبىلىپ العانى ءجون. ولار سول ەلدەردەگى بەيىمدەۋ ورتالىقتارىنان قاجەتتى كاسىپتى يگەرىپ شىقتى. ال، بىزدەگى بەيىمدەۋ ورتالىقتارىنىڭ اتى بار دا زاتى جوق. وسىنشا جىلدا قانشا ورالماندى جاڭا كاسىپكە دايىنداعاندارىن، وعان قانشا قارجى كەتكەنىن ۆيسە-مينيستردەن مەنىڭ دە بىلگىم كەلەدى.