وڭتۇستىك قازاقستان وبلىسى ءىىد باسپا ءسوز قىزمەتىنىنىڭ حابارلاۋىنشا،  شىمكەنتتە گراناتا سالىنعان سومكە تابىلدى

"19 مامىر كۇنى شىمكەنتتەگى ىشكى ىستەر باسقارماسىنا قاراستى اباي جەدەل پاترۋلدىك كەزەكشى بولىمىنە بايدۇقوۆ كوشەسىندەگى ۇيلەرىدىڭ بىرىنەن گراناتا سالىنعان سومكە تابىلعاندىعى تۋرالى اقپارات ءتۇستى. وسى جەرگە جەدەل جەتكەن پوليسيا قىزمەتكەرلەرى انىقتاعانداي، ۇيدە قۇرىلىس جۇمىستارىن جۇرگىزىپ جاتقان قۇرىلىسشىلاردىڭ ءبىرى - 21 جاستاعى جاس جىگىت ءۇيدىڭ شاتىرىنان گراناتا سالىنعان سومكە تاۋىپ العان"، - دەلىنگەن حابارلامادا.

گراناتا تابىلعان ءۇيدى بىردەن پوليسيا قىزمەتكەرلەرى قورشاپ الدى. سومكەدە  ف-1 ماركالى ەكى گراناتا، 16 كاليبرلى پاتروننىڭ گيلزالارى جانە تاپانشانىڭ قابى تابىلعان. "جۇرگىزىلگەن ساراپتاما ناتيجەسى كورسەتكەندەي تابىلعان گراناتا وقۋ-جاتتىعۋعا ارنالعان بولىپ شىقتى. قازىرگى كەزدە پوليسيا قىزمەتكەرلەرى وسى گراناتالار مەن باسقا دا زاتتاردىڭ كىمگە تيەسىلى ەكەنىن انىقتاۋدا، تەرگەۋ ءجۇرىپ جاتىر"، - دەيدى دەپارتامەنت قىزمەتكەرلەرى.  

tengrinews.kz