اتىشۋلى بوراتتىڭ داقپىرتى تالاي جىلدان بەرى بىتەر ەمەس. جارىققا شىققالى قازاق ۇلتىن قارالاپ، الەمنىڭ "مازاعىنا" اينالدىرعان وسى ءفيلمنىڭ ۇمىتىلماۋىن كۇيتتەپ، "ناسيحاتىنىڭ" كورىگىن باسىپ وتىرعان باسقا ەمەس، ءوز ەلىمىز ەكەن. مۇنى اقش-تىڭ ءوزى كەلەمەجدەپ، سىنعا الۋدا.
وسىدان بىرەر اپتا بۇرىن، ۆاشينگتون قالالىق گازەتىنىڭ سايتىندا “Billy Sە*crime،” Borat Character، Appears in Kazakhstan Embassy Promotional Book» اتتى ماقالا جارىق كوردى. مۇندا “Around the World Embassy Tour» دەپ اتالاتىن الەمنىڭ 50 - دەن استام ەلشىلىك قاتىسقان اقش كورمەسىندە قازاقستان ەلشىلىگى مارتتىك جاساپ، ءار ءتۇرلى بۇيىمدار: سومكەلەر مەن كۇنتىزبەلەر، الەمدەگى جەر كولەمى بويىنشا توعىزىنشى ورىن الاتىن مەملەكەتتىڭ جول سىلتەۋشى كىتاپشالارىن تاراتقانىن مالىمدەدى. جانە بۇل كىتاپشالاردىڭ بىرىندە ايگىلى بورات سەكىلدى كەيىپكەر "بيللي Sە*crime" تۋرالى قازاقستان ەلشىلىگى جازعانىن تاڭدانىسپەن حابارلايدى. كىتاپشالاردىڭ مۋزىكالىق بولىمىندە قازاقستاندىق ەسترادا وكىلدەرى مەن قوسا "بيللي Sە*crime" ەسىمدى ءانشىنىڭ اتى اتالعان. بۇل "بورات" فيلمىندەگى ويدان شىعارىلعان، اتى بار، زاتى جوق كەيىپكەر. ەشكىم ەشقاشان كورمەگەن، فيلمدە جوق. ءبىراق، بوراتتىڭ ءرولىن ويناعان ساشا بارون كوەن 2006 جىلى Entertainment Weekly -گە بەرگەن سۇحباتىندا عانا ايتقان. بورات تيپتەس كەيىپكەردىڭ ەلشىلىكتىڭ باسىلىمىنا قالاي ەنگىزىلگەنى تۇسىنىكسىز. ەلشىلىكتىڭ قاتەسى مە، قالجىڭى ما بەلگىسىز. ال، ق ر ەلشىلىگى پىكىر بىلدىرۋدەن باس تارتقان. باسىلىم «بورات ماسەلەسىنىڭ» قازاقستانعا رەسمي تۇردە كەدەرگى كەلتىرۋى ءبىرىنشى رەت ەمەس دەپ باعا بەرەدى: «It’s not the first time the Central Asian nation has been subjected to Borat-related spoofing in official settings. There was the time when، during the medals ceremony of an international shooting competition in Kuwait». ياعني، بىلتىرعى كۋۆەيتتەگى قازاقستان گيمنىنىڭ ورنىنا بوراتتىڭ اسىرە ۇياتسىز ولەڭىنىڭ ويناتىلعانىن سىنعا الادى.
سونىمەن قاتار، الگى "گيمندەگى" «قازاقستان تەك قانا ادەپسىز داستۇرلەرگە عانا ەمەس، كالييگە باي ەل» دەگەن ولەڭ جولدارىنا ماعىنالاس ماتىندەر جوعارىدا ايتىلعان جولسىلتەۋشىدە دە كورسەتىلگەن. سايكەستىك پە، كىم ءبىلسىن؟
حالقىمىزدا "ءوزىڭدى جاتتاي سىيلاي ءبىل، جات جانىڭنان ءتۇڭىلسىن" دەگەن تاماشا ماتەلى بار. ءوز حالقىن وزگەنىڭ مازاعىنا جىعىپ بەرگەن ءبىزدىڭ ەلشىلىككە نە دەۋگە بولادى؟
جانيا ابدىبەك
