ماسقارا! حالىقارالىق وليمپيادالىق كوميتەت لوزاننا قالاسىندا وتكەن تارتىپتىك ماسەلەلەر بويىنشا وتىرىسىندا جارىس كەزىندە دوپينگ قولدانعانى ءۇشىن قازاقستاننىڭ اۋىر اتلەتيكادان قۇرما كومانداسىنىڭ بەس بىردەي مۇشەسىن وليمپيادا جەڭىمپازى اتاقتارىنان ايىردى. وليمپيادا ويىندارىنىڭ جەڭىمپازى بولعان يليا ءيليننىڭ (2008 جىل – التىن، 2012 جىلى – التىن)، زۋلفيا چينشانلو (2012 جىلى – التىن)، ماييا مانەزا (2012 جىلى – التىن) جانە سۆەتلانا پودوبەدوۆا (2012 جىلى – التىن) مەدالدارى قايتارىلىپ الىناتىن بولدى! 
ەندى تەكسەرۋ قورىتىندىلارى بويىنشا وسى ايىپپەن ماريا گرابوۆەسكايا – قولا، يرينا نەكراسوۆا – كۇمىس مەدالدارىنان ايىرىلۋى ىقتيمال.

كوماندانىڭ وسىنداي جاعىمسىز جاعدايعا ۇشىراۋى بۇل سپورتشىلاردىڭ جەكەلەگەن قاتەلىكتەرىنەن ەمەس، باسشىلىق تاراپىنان الدىن الا ادەيى ۇيىمداستىرىلعان ارەكەتتەن تۋىنداعانى بايقالادى. سپورت توڭىرەگىنەن نان تاۋىپ جۇرگەندەردىڭ ايتۋىنشا ەلىمىزدى دوپينگ-داۋعا ۇرىندىرعان اۋىر اتلەتيكادان قازاقستان قۇراما كومانداسىنىڭ باس جاتتىقتىرۋشىسى الەكسەي ني كورىنەدى. باس جاتتىقتىرۋشىنى دا، ونىڭ اقورداداعى جەلەپ-جەبەۋشىلەرىن دە جارعا يتەرمەلەگەن قازاقستاندىق «پونت» سياقتى.

قالايدا ەلباسى الدىندا جاقسى اتتانۋشىلىق، كەسەرتكەدەي كۇمپيۋشىلىك، بولماعاندى بولدىرتۋعا تىرىسۋشىلىق قازاقستاندى بۇكىل الەم الدىندا وسىنداي ۇياتتى جاعدايعا ۇرىندىردى.

«ءار نارسەدە ءبىر قايىر بار» دەگەن. بيلىك باسىنداعىلار بۇدان تەز ارادا لايىقتى قورىتىندى شىعارۋلارى قاجەت دەپ ەسەپتەيمىن.

1. ەڭ الدىمەن ۇلتتىق قۇرامالار باسشىلىعىنا قازاقتار قويىلسىن! ەندى ني سياقتىلاردان پايدا جوق.

2. شەتەلدەردەن لەگيونەر تارتۋ توقتاتىلسىن! ءوز سپورتشىلارىمىز دوپينگسىز-اق، اقشا سۇراماستان ۇلت نامىسى ءۇشىن جارىس الاڭىنا شىعا الادى.

3. ۇلتتىق قۇرامالارعا ءوز ۇلتىمىزدىڭ وكىلدەرى كوپتەپ تارتىلسىن!

4. حوك-كە تەستىلىك ساراپتاما ناتيجەلەرى وليمپيادا ويىندارى وتكەن سوڭ بىرنەشە جىلدان كەيىن ەمەس تۋرا جارىس الدىندا جارتى ساعات بۇرىن حابارلانۋى تۋرالى ۇسىنىس جاسالىنسىن! بۇل دوپينگ قولدانعانداردى جارىسقا قاتىسۋ مۇمكىندىگىن ايىرادى.

مارات توقاشبايەۆتىڭ فەيسبۋكتەگى پاراقشاسىنان الىندى