29 قازان، الماتى قالاسىنداعى جولداسبەكوۆ اتىنداعى ستۋدەتتەر سارايىندا «ماڭگى ماحاببات قالاشىعى» اتتى ءان كەشى ءوتتى، دەپ حابارلايدى «قامشى» پورتالى. ەرەكشە اتاۋدى يەلەنگەن جوبانىڭ اۆتورى، ءو. جولداسبەكوۆ اتىنداعى ستۋدەنتتەر سارايىنىڭ ديرەكتورى، ءانشى جانات قارمان.

ادەمى ءان كەشىن سىيلاعان شاراننىڭ ۇيىمداستىرۋشىسى، اۆتورى، ءانشى جانات قارماننىڭ ايتۋىنشا، شارا ماڭگىلىك ماحابباتتىڭ قالاسىنا اينالعان - ارۋ الماتىعا، ونىڭ ماڭگىلىك ماحاببات تۇرعىندارىنا، جاستارىنا، ءھام بارشا كورەرمەنىنە ارنالعان. كونسەرتتە تانىمالى ەسترادا جۇلدىزدارى ونەر كورسەتىپ، الماتى اسپانىندا ءان اۋەلەدى.

كەشتىڭ "ماڭگى ماحاببات قالاشىعى" اتالۋى دا جايدان-جاي ەمەس. بۇل كەشتى 95 جىلدىق تاريحى بار "قازاق راديوسىنىڭ" سازدى باعدارلاماسىنىڭ سازدى كەشى دەپ قابىلداۋعا بولادى. 

ماحاببات- ماڭگى ەرتەگى. ول تۋرالى اندەر دە، جىرلار دا، شىعارمالار دا تاۋسىلعان ەمەس. ماحاببات-الەمدى الديلەيدى. انمەن استاسقاندا، جۇرەككە سەزىم شۋاعىنداي توگىلىپ، كوڭىلگە كۇي بولىپ جەتەدى. ادام جانىڭ ادەمى سەزىمگە بولەپ، كەرەمەت اسەرگە جەتەلەيدى. ءان كەشى دە، وسىنداي عاجايىپتارعا شاقىرىپ تۇرعانداي. تاۋسىلمايتىن تاقىرىپقا اندەر دە ايتىلدى، جىر دا وقىلدى. ءانشىنىڭ دە، تىڭداۋشىنىڭ دا تەبىرەنبەگىن بولماعان شىعار.

كونسەرتكە كەلگەن كورەرمەندەر كوتەرىڭكى كوڭىل-كۇيىمەن، تاماشا اسەرلەرىمەن ءبولىسىپ جاتتى.